Registers van de Hollandse grafelijkheid 1299-1345

Graaf Willem III geeft Willem van Duivenvoorde, zijn kamerling, het schoutambacht van Geertruidenberg met de helft van alle inkomsten en boeten, uitgezonderd die op doodslag, alsmede de bakstenen waarmee in die stad een bevest steenhuis gebouwd zal worden, dat Willem van hem in recht leen zal houden; voorts bepaalt hij dat Willem aan dat huis 1.000 pond Tournois zal bijdragen en het op eigen kosten zal beheren, uitgezonderd in geval van oorlog.

De onderstaande tekst is gebaseerd op afschrift B.

Wi Willaem^b grave van Henegouwen^c etc. maken^d cond etc. dat om menighen trouwen dienst^e die ons Willaem^f van Duvenvoirde onsen trouwen^g camerlinc ghedaen heeft ende noch doen zal, hem ghegheven hebben ende gheven met desen brieve te sinen live also langhe alse hi levet onse scout ambocht van onser poirte van Sinte Gheerden berghe, met alle der^h helfte van den boeten ende vervallen die in den voirseyden scoutambochⁱ vallen ende verscinen zullen, uytghenomen van doet slaghe; ende van der ander helfte van dien boeten die ons ane comet ende van den vervalle van doetslaghen zal hi of die ghene dien hire setten zal ons of onsen baliu van Zuytholland^j goede rekeninghe doen als wijs begheren. Voird so hebben wi hem ghegheven alle onse quareele^k di wi hebben doen maken te Sinte Gheertruden^l berghe in manieren alse dat hi daer mede sal^m doen maken een steenhuys ende ene veste, daer hi an legghen zal van sijns zelves ghelde binnen twie jaren naist comende dusent pond Tornoyseⁿ, den groeten over zestien penninghe gherekend^o; ende waer dat zake dat hire meer an leyde te goeder rekeninghe, dat souden wi hem doen betalen. Ende dat^p voirseyde huys ende vesste^q sal hi van ons houden te rechten liene; ende alset maket es bi^r onser poirte van Sinte Gheertruden^s berghe voirseyd sal hijt houden ende verwaren op sinen^t cost, het en ware joffer oirloghe in den lande quame dat ons jof onsen nacomelinghen ane ghenghe, ende wijs behoefden te besitten: dat soude sijn op onsen cost. Ende wi beloven Willaem^u voirs. hier in te houden ende te waren in zulker manieren alst^v voirseyd es.

In oirkonde desen brieve bezeghelt met onsen zeghele^w. Ghegheven tote Brousele^x des donresdaghes voir sinte^y Bonifatius^z dach int jaer ons Heren M CCC drie ende twintich.