Registers van de Hollandse grafelijkheid 1299-1345

Graaf Willem III bekrachtigt de door schepenen en Raad van Dordrecht opgestelde keur betreffende de handelwijze van de rechter aldaar met betrekking tot misdadigers die de kerk als vrijplaats gebruiken; hij belooft dat bij een eventueel daaruit voortvloeiende kerksluiting de hernieuwde wijding op zijn kosten zal gebeuren.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

Vgl. nr. ZH 167 in hetzelfde register.

De onderstaande tekst is gebaseerd op afschrift B.

Wi Willaem^b grave etc. maken cond etc. dat wi vaste ende ghestade houden alsulke kore alse scepenen ende Raet van onser poirte van Dordrecht^c bi onsen rechter van onser voirs. stede ghemact^d hebben ende hie^e na ghescreven staet. Dats te wetene: zo wad persoen die mesdaet deden in wad manieren dat ware binnen onser voirs. stede jof daer ute gheset jof ghebannen worde, ende hi dair of bescuddenisse der heyligher kerken begheerde ende hire in quame, zo soude hem onse voirs. rechter ene tijd setten bi scepenen ende Rade van^f onser voirs. stede ute dier voirs. kerken te ghaene jof zelve dair uyt te gheleyden, war dat hijs begheerde op sijn seker beruym; ende woude hi dat niet doen, jof dat gheviele dat hi^g in enigher maniere op sijn ruym quame uyter voirs. kerken, zo ne zoude hem tghebot van der heyligher kerken niet ^h helpen moghe. Ende hier ommeⁱ ombieden wi ende bevelen onsen rechter van onser voirs. stede, zoe wie hi es bi tiden, dat hi alsulke personen ute dier^j voirseyder kerken neme ende dat hi hem doe recht als toit onser voirs. stede gheleghen es. Ende gheviel dat die voirs. kerke dair omme^k besleghen worde, die gheloven wi weder op te doen wienne^l op onsen cost, ende vort^m daer of comen mochte; sonder alrande archlist. Dit sal gheduren tonsen wedersegghen.

In orkonde etc. Ghegheven Tordrechtⁿ des vridaghes na Dortien dach int jaer van drie ende twintich.