Registers van de Hollandse grafelijkheid 1299-1345

Graaf Willem III kent zijn deurwachter Pieter Wieriksz., knaap, voor de duur van diens leven een jaarrente van 10 pond Hollands toe uit 19 morgen buitendijks land te Besoijen.

Vgl. nr. ZH 171.

Wi Willem^a grave van Henegouwen^b, van Holland, van Zeeland ende here van Vrieseland^c maken cont allen den ghenen die desen brief zulen zien jof horen lezen^d dat wi omme dienst wille die ons Pieter Wierics^e zone, onse trouwe knape ende doerwader^f, dicke ghedaen hevet ende noch doen sal hem ghegheven hebben ende gheven tien pond Hollands^g sjaers also^h langhe als hi levet, deⁱ wilke rente^j voirseyt wi hem jaerlix bewisen in tenemen ende ontfanghenne tote sente Martijns^k daghe in den winter^l tote sinen live op XIX morghen ^m uutlands legghende in Bezoyen in Gheraerds Jans zoens ambocht. Ende onbieden ende bevelen naerstelike onsen rentemeyster van Zuithollandⁿ die nu is jof hier na wesen sal dat hi Pieter onsen doerwarder voirseyt alle jare tote sente Martijns^o daghe in den winter van nu voirwaert betalen^p tien pond Hollands^q van den lande voirseyt also langhe als hi levet, sonder ander ghebot van ons te hebben; ende nemet van Pieter onsen dorwaerder voirnoemt sine opene brief alle jare van dat hi kent dat hi sine voirseyde rente^r ontfanghen hevet, ende van also vele sulle wi alle jare onsen rentemeyster van Zuitholland^s quiten in sine rekeninghe.

In orkonde desen brieve beseghelt met onsen seghel^t. Ghegheven tote Reymerswale des saterdaghes na Beloken Paesken int jaer ons Heren M CCC ^u ende neghentiene.