Registers van de Hollandse grafelijkheid 1299-1345

Segebrecht Jansz. van Ulvenhout, bottelier van graaf Willem III, verklaart dat hij de 7 pond groten Tournois, die de graaf hem heeft geleend, zal terugbetalen uit de door de rentmeester van Zuidholland uit te keren jaarrente van 8 pond Hollands die hij van de graaf in leen houdt; de eerstvolgende uitbetaling van die rente valt evenwel buiten deze regeling.

Allen den ghenen die desen brief zullen zien of horen lesen, ic Zeghebrecht Jans zone van Ulvenhoute, boutellier mijns heren sgraven van Heneghouwen^a ende van Holland^b, make cond ende kenlic dat mi mijn lieve here die grave voers. gheleend heeft in ghereeden ghelde bi heren Wouter Baus hand, wisselaris^c van Machelen zijns knapen, zeven pond groter ^d Tornoise^e, die wilke ic hem bewijst hebbe ende bewise weder in te nemen an zinen rentemeyster van Zuytholland^f als op die achte pond Hollands^g sjaers die mi mijn here die grave vors. ghegheven heeft van hem te houden in rechten leene, die mi die rentemeyster van Zuytholland^h vors. jaerlix uytreket te Bamisseⁱ, die wilke achte pond Hollands^j sjaers mi die rentemeyster vors. of slaen sal jaerlix ter tijd toe dat hem dese zeven pond grote vors. vol ende al betailt zijn, uytghenomen die rente van desen jare te Bamisse naist comende, die ic enen anderen bewijst hebbe in te nemen; ende waert dat dese achte^k pond sjaers ane minen^l here den grave verstorven eer hi die zeven pond grote te vollen weder in hadde, zo verbinde ic darover alle mijn goed^m alsoe dat hi van minen alre reestenⁿ goide voren op heffen zoude^o also vele als hem van dien zeven pond groten ghebraken.

In kennisse hier of hebbe ic desen brief open besegheld med minen zeghele. Ghegheven te Berghen^p in Heneghouwen^q op sinte Pieters ende Pouwels dach int jaer ons Heren M^o CCC^o vive ende twintich.