Registers van de Hollandse grafelijkheid 1299-1345

Graaf Willem III gelast Jan heer Gillisz., rentmeester van Zuidholland, aan Nicolaas van der Merwede, ridder, de 200 pond Hollands te betalen die deze van hem heeft geleend in ruil voor de opdracht in vrij eigendom van enige tienden te Sliedrecht, met de belofte dat indien Nicolaas die som niet vóór Pasen 1327 terugbetaalt, dit goed aan Jan in leen zal worden gegeven.

Vgl. het in het register voorafgaande nr. ZH 200.

Wi Willem^b grave ^c etc. doen u te weten Jan ser Gillijs^d sone onsen rentemeyster van Zuytholland^e dat here Nyclays^f van der Merewede^g, ridder, ons up ghedraghen hevet in vryen eyghen tuschen twintich ende vier ende twintich morghen tienden legghende te Slidrecht omtrent sine woninghe, ende daer bi zo zullen wi hem lenen II^C lb. Hollands^h van Paeschen naest comendeⁱ tote over een jaer daer nae, in zulker manieren: es dat zake dat hi die II^C lb. Hollands^j vorscreven up die tijt niet weder en ghevet, dat wi den vors. tiende vryelike behouden moghen, jof u jof enighen anderen gheven moghen dien wi willen; mer ghave hi zelve tghelt vors. den ghenen diet hem van onsen weghen lenen zal up die tijt vorscreven, soe souden wi hem den zelven tiende verlenen in allen manieren dat hien van ons helt eer hien ons up droech. Waromme wi u ombieden dat gi heren Nyclayse^k vors. dese II^C lb. Hollands^l vors. ghevet van onsen weghen; ende es dat hise u niet weder ene^m betaelt ten termine vorscreven, zoe gheloven wi u dat wi u den zelven tiende vorscreven verlenen zullen van ons te houden inⁿ allen manieren dat hien van^o ons te houdene plach; ende ghebraker yet an dat die tiende des ghelts niet waerdich en ware, dat zouden wi u doen verzetten.

In orconde etc. Ghegheven tote Zirixee^p up sent Nyclays^q dach int jaer ^r XXV^o.