B
Graaf Willem III verkoopt Gene Jansz. en Grote Dirk Elboutsz. de helft van de goederen die hem zijn aangekomen na de dood van Pieter Vos, alsmede een zesde deel van de andere helft, voor zover die in zijn bezit zijn.
Ghenen Jans z. ende Grote Dirc Elbouts z.
Een streep door het begin van de tekst.
Wi Willaema grave b etc. maken cont allen luden dat wi bi Willaemc den Moilnaird, onsen bailiu van Zuythollande, vercoft hebben Gheenenf Jans f.g ende Grote Dieric Elbouts soen die ene helft van allen goede dat ons besturven es ende ane ghecomen van Pieters Vos doit, zoe wat goide dat es: erve, have jof roerende goid, ende een sestendeel in den ander helft alze verre alst ons ane comen es, omme tien pond groter h Tournoysei, dair zi ons of voldaen hebben bi onsen bailiu voirs.; ende dit voirseyde goid ende desen coep voirscreven gheloven wi him te waren jeghens elken mensche, sonder alrehande archlist.
In oirkonde etc. Ghegheven in die Haghe op den Jairs avond int jair ons Heren Mo CCCo zes ende twintich.
Per Willaemj Moelnaer.