Registers van de Hollandse grafelijkheid 1299-1345

Graaf Willem III verklaart dat met zijn toestemming de gezworenen van Geertruidenberg grond hebben verkocht aan de zusters van de derde orde van sint Franciscus en aan enkele met name genoemde personen, en dat hij de kopers in hun bezit zal handhaven, onomstreden en onbelast.

Wi Willaem^c grave etc. maken cond etc. dat wel^d bi onsen wille is ende ghehenghenessen dat onse ghezueren^e van onser poirten van Sinte^f Gheerden berghe vercoft hebben den joncvrouwen vander doerder^g ordine vierdalf morghen ende een hont lands, item Woutere Colens^h f.ⁱ drye morghen, item Tielemanne^j ver Belien sone sesse morghen, item Janne ^k Masten omtrent twie hond, somme van den morghentale hier of belopen dertien morghen^l, willic land voirscreven gheleghen es oestwaert van den utersten steenweghe^m die buten onser poirten voirs. leitⁿ tote Steelo^o waert uytghaet, streckende lancs den steenwech also groet ende al so clene alst^p oestwaert binnen onser poirte vryheit^q gheleghen es; ende wi hebben gheloeft ende gheloven met desen brieve allen den ghene ^r die voirscreven sien die dit land ghecoft hebben, dat wijt hem waren zullen ende vryen toet enen rechte eyghendoeme commerloes ende onghecalenghiert^s van onsen weghen, sonder alle argheliste.

In orkonde etc. Ghegheven in die Haghe des vridaghes na sinte Lucien daghe int jaer ons Heren M^o CCC^o ende XXVI.