Registers van de Hollandse grafelijkheid 1299-1345

Graaf Willem III beleent Gijsbrecht heer Jansz. van Alblas met een jaarrente van 10 pond Hollands uit een stuk land aan de Maas bij Drimmelen, welk geld als eerste uitgekeerd zal worden uit de opbrengst van dat land; voorts regelt hij de vererving van het leen.

Vgl. nr. ZH 51.

Wi Willaem^a grave etc. maken cond allen luden^b dat wi Ghisebrechte heren^c Jans sone van Alblaes ghegheven hebben ende gheven, om menighen ghetrouwen dienst die hi ons ghedaen heeft ende noch doen zal, tien pond Hollands^d tsjaers in den ord die jeghens Drie milen leyt van zestien morghen op die Maze, tuschen^e des Vlieghers wiel ende den kerc oert^f die Ghisebrecht^g heeft, te houden van ons ende onsen nacomelinghen hem ende sinen nacomelinghe te rechten liene; ende waer dat zake dat Ghisebrecht voirs. storve sonder oere so souden dese voirs. tien pond sjaers comen op heren Janne sinen vader voirnoemd in alre manieren alst voirscreven es. Voirt so^h willen wi ende gheloven ⁱ Ghisebrechte voirs. sine tien pond voirnoemd alle jare voren uyt eer wi of yemant van onsen weghen enich ghelt heffen van desen voirs. oerde.

In orkonde etc. Ghegheven int jaer ons Heren M CCC zeven ende twintich des dinxendaghes na sinte Jacobs daghe.