Registers van de Hollandse grafelijkheid 1299-1345

Graaf Willem III verkoopt Jacob de Schrijver van Schoonhoven voor 45 pond Hollands een halve hoeve lands aan de Vlist in vrij eigendom, welk bedrag zal worden terugbetaald wanneer dit land van hem of van zijn nakomelingen zou worden afgenomen.

Vgl. nr. ZH. 456.

Wi Willaem^a grave van Heynnegouwen^b, van Holland^c ende here van Vrieseland^d maken cond etc. dat wi bi Janne van Zassenem^e onsen baliu van Zuitholland^f ene halve hoeve lands legghende an die Vlist, die ons ane quamen van Gheraerd^g den Zwarten^h, die onse bedescoudich man was, vercoft hebben toit eenen vryen eyghen Jacob den Scriver van Scoenhoven omme XLV lib. Hollandsⁱ, dair hi onsen baliu voirs. ghenoech of ghedaen^j heeft; ende wair dat zake dat hem dit land voirs. mit eenen landrechte of ghewonnen worde jof sinen nacomelinghen, soe souden wi of onse nacomelinghe hem dat ghelt weder gheven, ende bliven op die aventure van den lande. Ende dit land heeft beleghen op die noirt zide Jan van der Goude^k, op die zuit side Dieric Ghysebrechts^l sone, op tweste ende die Vlist ende op toest ende Hoencoeper zijdwinde.

In orkonde etc. Ghegheven toit Sente^m Gheerden berghe des manendaghes na sente Jans dach decollatio anno XXXIII^o.