Registers van de Hollandse grafelijkheid 1299-1345

Graaf Willem III schenkt Coppekijn Lizenz., zijn deurwachter, voor de duur van diens leven het land geheten de Oord in het ambacht Tolloisen.

Wi Willem^a grave ^b etc. maken cond etc. dat wi Coppekijn Lizen^c soen van onser dore, omme trouwen dienst dien hi ons ghedaen hevet ende noch doen zel, hem ghegheven hebben ende gheven tot sinen live een stucke lands dat ghehieten es die Oirt, legghende int ambocht van Tollenzen^d, alsoe groet alst ons ane quam van meyster Jan Plaustrier, dien^e wijt ghegheven hadden tot sinen live; wairomme wi ombieden onsen rentemeyster van Zuutholland^f die nu es jof namaels wesen zal dat hi Coppekijn voirs. also langhe als hi levet^g desen voirscreven Oird ghebruken laten ende oirbaren tot sinen live, sonder archlist.

In oirkonde hierof soe hebben wi desen brief bezeghelt met onsen zeghele^h. Ghegheven te Kanoitⁱ des donresdaghes voir sente Nyclays^j avond int jair ons Heren M^o CCC^o drie ende dortich.