B
Graaf Willem III belooft op 1 juli eerstkomende te Nijmegen de 2.700 pond zwarten Tournois te zullen betalen waarvoor hij van de graaf van Kleef die helft van stad en land van Heusden heeft gekocht die de kinderen van Horn in leen houden, en voorts dat hij eventuele schade bij te late betaling zal vergoeden; op zijn verzoek stellen schepenen, Raad en gemene stad van Dordrecht zich hiervoor borg en zegelen zij de oorkonde mede.
Huesden.
Wi Willaem grave a etc. maken cond allen luden dat wi sculdich sien eenen hoghen edelen man den grave van Cleve alse van der helfte van sinen rechte ende manscap van der stat ende van den lande van Huesdane dat die kinder van Hoerneb van hem houden, die wi jeghens hem ghecoft hebben om seven ende twintich hondert pond zuarter Tornoyse, te betalen acht daghe na sente Jans dach mid zomerc naestcomended toit Niemaghen scraven ghewairde bode van Cleve, wilce ghelt voirscreven wi hem gheloven te betalen ten daghe voirnoimt; ende soe wat cost ende scade dien hi dair omme lijtf achter die tijt ende hi betogheng mach med wittighen luden, dien sullen wi hem op rechten mid den hoeftghelde voirscreven, sonder weder segghen.
In orconde desen brieve bezeghelt met onsen zeghel. Ende om die meere zekerhedeh zo hebben wi ghebeden onsen lieven ende ende ghetrouwen scepen ende Raed ende ghemeene stede van Dordrecht dat si onse borghe worden ende met ons gheloven dit voirseyde ghelt te betalen alse voirscreven es. Ende wi scepen ende Raed ende ghemeene stede van Dordrecht om bede ons liefs heren des graven van Heynnegouweni ende van Holland voirs. soe gheloven wi med hem alse borghen dit voirseyde ghelt ende scade te betalen alse voirscreven is, ende hebben in kennessen darof onser stede j zeghel an desen brief ghehanghen. Ende wi Willaem grave van Heynnegouwenk ende van Hollandl voirnoemd gheloven onse stede van Dordrechtm scadelois te quiten.
Ghegheven toten Kanoyt svrijndaghes na Ascentien dach int jair ons Heren Mo CCCo vier ende dortich.