Registers van de Hollandse grafelijkheid 1299-1345

Graaf Willem III schenkt zijn kamerling Willem van Duivenvoorde, heer van Oosterhout, ridder, die hem eens een grote som geld had voorgeschoten, waarvoor hij hem een jaarrente van 496 pond, 16 schelling en 9 penning oude groten Tournois uit de heerlijkheid van Steenkerke en het bos van La Houssière had beloofd, in plaats daarvan tot beider groter profijt voor de duur van diens leven een jaarrente van 611 pond, 9 schelling en 10 penning groten Tournois uit de wissel en tol van Dordrecht, waarbij hij altijd als eerste zal worden betaald uit die inkomsten, met de bepaling dat hij bij enige nalatigheid daarbij alsnog beslag zal mogen leggen op de goederen te Steenkerke en La Houssière; de oorkonde wordt medebezegeld door enkele bij name genoemde getuigen.

Wi Willem^{a b} etc. maken cond etc. Want wi omme die mersene onse^c ervachtigheden ende renten in onsen gravescip van Heynnegouwen^d ghecoft hadden ende vercreghen tieghen eenen edelen man heren Gillise van Serfonteines^e, riddere, de renten ende die heerscepie die hi hadde int dorp van Sinte^f Sauwe bi onser port van Valenchijn^g ende al dat hem dair of ^h toe behoerde, omme ene grote somme ghelts, die welke onse ghetrouwe ende gheminde camerlinc Willemⁱ van Duvenvorde^j, riddre, here van Oesterhout, bi onser bede ende verzoeke galt vor ons van sinen eyghen ghelde, ende hi ons die arvachtigheden ende die renten liet tonser behoef arvelike, over mits dat wi hem die nutscap ende die renten van dien voirs. goede twivouden zouden te sinen live ende wel bewisen dair hijs zeker ware binnen onsen graefscip van Heynnegouwen^k vors., dair die somme of is van den renten die hi heffen soude te sinen live  IIII^C IIII^XX XVI lb. XVI s. IX d. Tornoyse^l, I ouden groten Tornoyse^m sconinghes van Vranckenrikeⁿ vor XIII d. Tornoyse^o gherekent, ende wi hem die bewijst hadden up dat wi hadden ende vercreghen int heerscep van Steenkerke ende up die jaerlike vrucht van den busche van der Hoessiere^p legghende in Heynnegouwen^q, te heffen ende te ghebrukene jairlix sonder wederzegghen of calengin^r bi hem of sinen ghewairdighen boden, also alst clarliker blict ende ghescreven es in die brieve die dair up ghemaect sijn, dur die welke dese brief doir^s ghesteken is. Ende want ons die renten van Steenkerke met den bosche vors. nutteliker sijn behouden omme menigherande zaken danne onsen camerlinc vors., soe hebben wi onsen goeden raet dair up ghehad ende versien omme de nutscap van ons beyden also dat wi willen bi wilcoren van onsen Rade ende van heren Willem^t vors. dat hi die IIII^C IIII^XX XVI lb. XVI s. IX d. Tornoyse^u vors., die maken den groten Tornoyse^v vors. gherekent over XVI d. Tornoyse^w, VI^C XI lb. IX s. X d. heffen zal van desen sinte Jans misse Baptiste^x naest comende vort elcs jairs alse langhe als hi leven zal, sonder arghelist, up die nutscap die wi of onse nacomelinghe hebben jof hebben zullen in onser wissele ende in onser toelne van Dordrecht^y, ende in al sulker manieren dat hi in onsen costen alder^z in ene cnape hebben zal die den weder^a' sloetel van al der nutscap der wissele ende der tolne vors. draghen zal tieghens den ghenen of die ghene die dair in wesen zal of sullen^b' van onsen weghen; ende soe wanneer ons camerlincs cnape vors. onsluten zal willen omme ghelt te hebbene, so en salt hem die van onsen weghen dair wesen zullen niet moghen wederzegghen, mar si of hi sullen of zal^c' een wederscrift nemen van hem van al dien dat hi ontfaen zal. Ende wi willen, ghebieden oec ende verbieden allen den ghenen dies hem onderwinden sullen van onsen weghen dat zi gheen nutscap van tollen of van wisselen^d' omme niemens ghebede en verdoen of uytgheven buten ons camerlincs cnape vors., want wi willen dat hi altoes van den eersten ghegouden si^e' dat in comen zal van der nutscap van der wissel ende tolne vors. jaerlix na sinte Jans daghe vorscreven. Ende ghebreke hem yet in enigh jaer, soe willen wi dat hijt in^f' den naesten jare altoes verhale ende up onsen cost, wair bi dat wi ombieden ende ghebieden onsen rentemeester die dair ter^g' tijd van onsen of van onsen nacomelinghen weghen^h' wesen zal dat hi onsen camerlinc vors. of zinen wairdighen bode doe ende late heffen sonder eneghe hindernesse of weder segghen die ^i' somme van den ghelde vors. jairlix, ende neme van hem brieve dair of dair wi hem mede altoes of quiten scelden zullen in siere rekeninghe; ghebieden oic ende verbieden onsen rentemeester vors. dat hi noch niement van onsen weghen onse camerlinc vors. of sinen wittighen bode in desen ontfanc voirs.^j' en hindre noch en lette, hine wilt vor ons ghelden. Ende wair dat sake dat hi^k' bi eneghen zaken, welke dat se ware, dat onse camerlinc vors. of sijn ghewairde bode in desen dinghen ende in sinen vrieliken ontfanc enighen weder stoet, littenisse of ghebrec hadde, in wat manieren of sake dat het ware, soe willen wi, verbinden ons ende consenteren dat hi an dat goed van Steenkerke ende bosch vors. sine hand dair an sloeghe, vrielike te^l' ghebrukene sine leve daghe, also als sine brieve houden die dair up ghemaect sien, sonder enigh wedersegghen van ons of van onsen nacomelinghen, ende dat dese vorwairde die hier voirscreven is hem daer toe niet deren noch hindren en mochte. Ende omme dat wi willen dat alle dese dinghen vorsproken in goeder trouwen verwairt bliven ende onghebroeken, soe hebben wi dair toe verbonden ende verbinden tieghen allen heren ende heerscip onse goed, onse erfname, onsen luden ende huer goed, rorende ende onrorende, waert gheleghen si, dat wi nu hebben ende onse erfnamen of onse luden hebben zullen, bezetten te vercopen ende peneghene in onsen cost tot alle die vorwairde vorsproken vulcomen^m' worden ^n', ende dair toe willen wi dat al dat ons ende onsen erfnamen of onsen luden tieghens die vors. vorwarden helpen mochten te wederzegghene of te^o' wederstane, ende onsen voirs. camerlinc achter doen hindren of deren in hoe menigherande^p' wijs dat het ware dat ons, dat onsen erfnamen of onsen luden te gheenrehande^q' bate comen en mochte.

Ende tot allen desen dinghen ende vorwairden waren tieghenwoirde onse ghetrouwe Gherard^r' here van Potts^s', Robrecht onse ghevader, here van Machecourt^t', ridders, here Jacob van Mabuedst^u' canoec^v' van Camericken^w' ende van Atrecht, onse caplaen, Johan^x' Bernier^y' provoist van onser stede van Valenchijn^z' ende Frederic van Fretin^a'', te diere tijd onse rentemeester was^b'' van Heynnegouwen^c'', wien wi ghebeden hebben desen brief met ons in ghedinkenesse van allen den vorwairden vors. te bezeghelne^d'', den wilken in kennissen ende orconde der wareit wi hebben bezeghelt met onsen zeghele uuthanghende. Ende wi Gherard^e'' here van Potts^f'', Robrecht van Machecourt^g'', ridders, Jacob van Mabughe^h'', Johan^i'' Bernier^j'' ende Frederic vorsproken, omme dat wi over alle dese dinghen waren bi kennissen ons heren sgraven vors., soe hebben wi met^k'' hem desen brief bezeghelt met onsen zeglen.

Dit was ghedaen in onser port van Valenchijn^l'' vors. des vridaghes voir sinte Jans daghe int jair ons Heren dusent driehondert vier ende dortich.