Registers van de Hollandse grafelijkheid 1299-1345

Graaf Willem III keurt goed dat Jan de Molenaar Filipsz. het vruchtgebruik van diens leengoederen voor de tijd van drie jaar afstaat aan diens schoonvader Willem van Drimmelen, ter aflossing van een schuld van 300 pond Hollands die Jan jegens Willem heeft; voorts bepaalt hij dat bij overlijden van Jan binnen genoemde periode die lenen aan de graaf zullen toevallen en dat Willem, na eerst geprobeerd te hebben de schulden uit Jans eigen goed te innen, daartoe binnen die drie jaar dat leengoed alsnog mag gebruiken.

Wi Willem grave van Heynnegouwen^a, van Holland^b, van Zeeland^c ende here van Vriesland^d maken cond allen luden^e dat voir ons quam Jehan die Muelnare Philips sone ende droich up, zette in die hand Willem van Drien milen, zinen zueer, al dat leen dat hi van ons hilt, soe waert gheleghen is, tote drien jaren naest comende toe te houdene, te brukene ende tonbrukene, over drie hondert pond Hollansche^{f g} die Jan voirs. Willemme sculdich es als hi zeghet, na welken drien jaren Willem voirs. dat selve leen sal weder up draghen Janne^h voirnoemt ghehelike sonder eenich recht der in te behoudene. Ende waer dat zake dat die voirnoemde Jan binnen desen drien jaren van den levene ter doet quame eer Willem voirs. sine scout van drien hondert ponden an dit leen vervolghet hadde ende gheinnet ghehelike, soe soude dit voirseyde leen ghehelike an ons comen ghelike dat ghedaen soude hebben hads Jan niet op ghegheven, mar Willem ⁱ die zel tachterstel van sire scout voirs. dat hi gheprueven can vervolghen in Jans eyghen goet; ende waer dat daer an ghebrake, soe soude Willem vervolghen sine achterstal van der scout an dit voirseyde leen tote den ende van desen drien jaren toe te ghebrukene over sine scout also verre alst tote diere tijd toe strecken mach, ende dair over niet, ende na desen drien jaren voirs. soe en zal Willem gheen recht noch ghene an tale over mits dese scout hebben an dat voirseyde leen. Ende want wi willen dat dit vast ende ghestade sij, soe hebben wi hier toe onse consent ghegheven in al der manieren dat voirscreven is, sonder alle arghelist.

In orconde desen brieve bezeghelt met onsen zeghele. Ghegheven tote Middelburch tsaterdaghes na sinte Baven daghe int jair ons Heren dusent driehondert vier ende dortich.