Registers van de Hollandse grafelijkheid 1299-1345

Graaf Willem III beleent heer Nicolaas Oom van Arkel, ridder, met huis, zate en negen morgen land in de gerechten van Emmikhoven en Waardhuizen, welke goederen deze hem daartoe had opgedragen.

Vgl. nr. ZH 477.

Wi Willem^a ..grave^b van Heynnegouwen^c, van Holland^d, van Zeeland^e ende here van Vriesland^f maken cond allen luden^g dat here Clays Oem van Arkele, ridder, ons op ghedraghen hevet van sinen eyghenen goede^h sijn huys, sijn ghesate ende dat dair toe behoert also alst gheleghen is in den gherechte van Emmecoven, ende neghen morghen lands in den gherechten van Weerthusenⁱ, streckende ane dat voirnoemde huys ende ghesate die vijf^j morghen oestwaert ende vier morghen zuytwaert; wilke huys, ghesate ende land voirscrevene wi verliet hebben ende verlien met desen brieve heren Clayse voirs. tote eenen rechten erfleene ende niet te versterven, van ons te houdene ende dair hi onse man of gheworden es.

In orconde desen brieve bezeghelt met onsen zeghele. Ghegheven tote Sinte^k Gheerden berghe des sonnendaghes na Alre heyleghen dach int jair ons Heren M^o CCC^o vier ende dortich.