Registers van de Hollandse grafelijkheid 1299-1345

Graaf Willem III doet uitspraak in het conflict tussen heer Gwijdo van Vlaanderen, heer van Putten en Strijen, enerzijds en de poorters van Dordrecht anderzijds over het in de heerlijkheid van Strijen geheven roergeld, dat nu bij Niervaart geheven wordt; hij stelt vast dat die van Dordrecht vanouds geacht werden die heffing te betalen en bepaalt dat zij dat ook nu weer moeten gaan doen.

Willaem^b ..grave^c van Heynnegouwen^d, van Holland^e ende here van Vriesland^f maken cond allen luden^g dat here Ghye van Vlaenderen^h, here van Putte ende van Striene, onse neve, eyschende was onsen porteren van Dordrechtⁱ dat si hem sculdich waren van horen scepen roederghelt in die heerscippie van Striene, dat dair tote^j alranden^k stede voirmaels ghenomen was ende men nu nemet ter Niewer vairt^l, dat ^m onse stede van Dordrecht weder seghede; des si van beyden ziden an ons bleven ene wayride dair of te doen besoeken, ende na der wayride te sceyden. Wair of wi die wayride besocht hebben an die van Dordrecht, an die van der Niewer vairtⁿ, an die van Zevenberghen^o, an die van Zierixzee^p ende an anderen luden die langhe dair of ghehoeghen mach, ende hebben ghevonden dat onse porteren van Dordrecht voirs. van al der tijd die men ghehoeghen mach dair roeder ghelt ghegheven hebben ende sculdich waren te gheven, al ontvoirden sijt te sommen tyden; wair omme wi se sceyden ende segghen dat onse porteren van Dordrecht voirwairt mere dair roeder ghelt gheven sullen gheliken anderen luden.

Ghegheven in die Haghe des sonnendaghes na sinte Jacobs dach int jair ons Heren M^o CCC^o sesse ende dortich.