Registers van de Hollandse grafelijkheid 1299-1345

Graaf Willem III beleent Roelof van Dalem met een zate en bijbehorende halve hoeve land in Sleeuwijk, welk goed eerder door Tielman Willemsz. daartoe aan de graaf was opgedragen, terwijl het Tielman was toegevallen van diens broer Jan Willemsz., die het van de graaf in leen had gehouden.

^b Willaem ..grave^c van Heynnegouwen^d, van Holland^e ende here van Vriesland^f maken cond allen luden^g dat Tielman Willems sone ons op ghedraghen hevet die hem ane quamen van Jan Willems sone sinen broeder, diese van ons helt ten rechten erfliene, tote Roelofs behoef van Dalem die zate die Jans voirs. was ende ene halve hoeve lands dair die zate in staet, ligghende in Slewijk binnen desen mercken: des sheren land van Hoirne^h ane die oestzide, Jan heren Gherards soens land ane die westzide, streckende ane den dijc nortwert end an die wateringhe zuutwaert; wilke zate ende land wi verliet hebben ende verlien Roelof voirs. ende sinen nacomelinghen van ons ende van onsen nacomelinghen te houden ten rechten erfliene.

In orconde desen brieve bezeghelt mid onsen zegheleⁱ. Ghegheven tote Sinte^j Gertruden^k berghe^l op sinte Matheus dach int jair ons Heren M^o CCC^o ses ende dortich.