Registers van de Hollandse grafelijkheid 1299-1345

Koning Lodewijk X van Frankrijk en Navarra komt met graaf Willem III overeen dat deze met 50.000 voetknechten Vlaanderen zal binnenvallen om daar voor tenminste één maand zoveel mogelijk schade toe te brengen, waarvoor hij hem iedere maand 140.000 pond kleinen Parisis zal betalen, terwijl hij toezegt om geen vrede of bestand met Vlaanderen te sluiten zonder de graaf daarbij te betrekken.

De bovenstaande datering is gebaseerd op de veronderstelling dat de paasstijl is toegepast; zie de Inleiding.

Onderstaande tekst is uitgegeven naar A. Hetgeen daar onleesbaar is geworden vanwege de slechte staat van het papier, is tussen rechte haken aangevuld naar het (niet geheel vlekkeloze) afschrift B.

^a Loys par le grace de Diu rois de Franche^b et de Navarre a tous ciaus ki veront ces presentes lettres, salut. Nous faizons savoir a tous que entre nous dune part et nostre amé et feal G. conte de Haynnau^c et de Hollande^d dautre part sont faites et acordees les convenences [c]hi dezous escriptes. Chest assavoir ke li dis cuens de Haynnau et de Hollande doit entrer en Flandres^e par devers^f son paijs de Zelande a tout L mile hommes a p[i]et^g d[e]ffensaules et armés, et porter damages en toutes les manieres ke il pora au conte de Flandres, au paijs et a tous leur aidans; et doit tenir son ost I mois ou plus, se mestiers est et li rois len requiert. Et nous li devons paijer pour cescun mois cent et quarante mil livres de bons petis Parizis^h, et li devons paijer un mois devant le jour ke il et ses gens mouveront de son paijs pour entrer en Flandresⁱ et pour faire chou ke dessus est dit: cent mille lb. Parizis^j en la vile de Saint^k Quentin^l, et quant il ara servi par XV jours les autres quara[nt]e mile lb. ^m; et se il ave[n]oit ke il et ses gens dessus [di]s demorascent plus dun mois a le reques[te] dou roy etⁿ pour lui servir si comme dit est, nous li paierons al entree de che secont mois soissante et d[i]js mille lb. Parizis^o, et a la quinzainne ensiwant soissante et dijs mile lb. Parizis, pour les queles LXX^Mp lb. baillies a ceste darrainne quinzainne de ce secont m[oi]s^q il seroit tenus a servir il et ses gens juskes al acomplissement dou dit secont mois, si ke adies il seroit paijés pour XV jours de[v]ant. E[t se] par^r aventure lost dou dit conte d[e] Haynnau se combattoit a bataille^s a lost des Flamens^t, il aura desservi tout chou dont il sera ou devera estre paijé[s] devant. Et se il avient ke li^u dis contes de Haynnau dou commandement le roy et p[our] li commence la guerre par lui et ses gens dessusdis [e]ncon[tr]e le conte et le paijs de Flandres ensi comme dessus est dit, et nous puis cell[e] guerre commenchie faizons pais ou donnons trives as Flamens^v, n[ous] serons tenus a mettre en nostre pais^w ou en nos trives le conte de Haynnau, ses aidans et ses paijs pour tant comme a le guerre commenchie pour nous touchera. Et se le dit conte de Haynnau avoekes son ost^x demoroit ou paijs de Flandres outre le mois, et nous ne li feissiens savoir que il^y sen part[i]s[t], nous seriemes tenus a paijer au dit conte pour tel tens^z comme il i aroit demoret outre le dit mois juskes atant ke nous li ariens fet sa[v]oir que il se partist. Et ces convenences si comme dessus sont devizees nous prometons loiamment et en bonne foi a tenir, garder et aemplir enti[er]emen[t], sans venir encontre^a', et a ce obligons nous et tous nos biens par la teneur de ces lettres.

Les queles en tesmoing de ce nous avons fet seeler de nostre seel dont nous uziens au vivant de nostre signeur et pere, don[t] Dies^b' ait lame. Che fu fet au^c' Bois^d' de Vinceines delés Paris^e' l[an] de grace mil trois cens et quatorze, le dimence apres les Brandons.