Graaf Willem III belooft Lambrecht van Buren dat hij noch zijn zuster vrouw Aleid, vrouwe van Buren en echtgenote van wijlen heer Otto van Buren, een versterking zullen bouwen op de hofstede genaamd Kijk over dijk te Beusichem, welke hofstede vrouw Aleid van Lambrecht als lijftocht heeft ontvangen vanwege een eerdere belofte door heer Otto.
Lambrecht van Buyeren.
Wi Willaem grave van Henegouwena etc. maken cond etc. Want Lambrecht van Buren onser zuster, ver Aliden vrouwe van Buren, hore lijftochte die hare Otte van Buren hoir man, dair God die ziele of hebben moet, gheloeft hadde te makene, bewiset heeft ende gheloeft dat hise vrielike zal laten ghebruken, ende hore in dire lijftochte bewijst hevet die hofstede te Boesichem die gheheten es Kijc over dijc, zoe gheloven wi Lambrechte voirscreven dat wi noch onse nacomelinghe noch ver Aliden onser zuster en ghene veste maken zullen op die hofstede voirs. alsoe langhe als zi levet, dair Lambrecht jof sine nacomelinghe here van Buren ghecranctb mochten wesen.
In oirconde etc. Ghegheven Tordrecht des sonnendaghes voir sente Lambrechts dach int jaer ons Heren M CCC zes ende twintich.
Per dominum, Mathiam, Willelmumc camerling et alios.