Registers van de Hollandse grafelijkheid 1299-1345

Graaf Willem III, Jan van Vlaanderen, graaf van Namen, Jan van Henegouwen, heer van Beaumont, en Gerard heer van Voorne, burggraaf van Zeeland, stellen zich onder verband van al hun goederen garant dat hun neef Boudewijn heer van Fontaine vóór 1 november eerstkomend zal terugkeren in de gevangenis van hertog Jan III van Brabant, waaruit hij op hun verzoek tijdelijk is vrijgelaten; zij beloven dat, wanneer Boudewijn niet op tijd verschijnt, zij 20.000 pond zwarten Tournois aan de hertog zullen betalen en dat zij, wanneer zij daarbij in gebreke blijven, in persoon te Brussel in leisting zullen gaan of in hun plaats twee aldaar wonende ridders voor elk van hen.

De onderstaande tekst is gebaseerd op afschrift B.

Nous Guillaumes^a cuens de Haynau^b, de Hollande, de Zeellande et sires de Frize^c, et nous Jehans de Flandres^d, cuens de Namur^e, et nous Jehans de Haynau^f, zires de Biaumont^g, et nous Gerars sires de Voernes^h et castellains de Zeellandeⁱ faisons savoir a tous que comme tres haus et tres nobles prinches nos chiers et ameis couzins Jehanne^j, par le grasce de Diu dux de Lothringe^k, de Brabant et de^l Lembourk^m, ait pris et tiegne enⁿ sa prison noble homme monsieur Bouduin^o, segneur de Fontainnes^p, no tres chier et ameit couzin, pour aukun mesfait dou kel li dus len couppoit avoir fait en Braibant^q, le quel monsieur Bauduin li dis^r dus a delivreit a le prijere et requeste de nous^s juskes au jour de Toussains^t prochainnement venant, en le maniere que chi apres sensuit. Assavoir est que li devant dis messires Bauduins^u a enconvent par se foit et par sen sairement de revenir arrire^v en le prizon ledit duc^w a Louvain^x u ailleurs, la u li dus voroit en sen poir^y dedens Braibant^z, dedens le terme dou jour de Toussains dessus dit; et se il avenoit, que ja naviegne, que li dis messires Bauduins ne revenist en le prison le dit duc ensi que deviseit est, nous seriemes tenut ataint^a' envers le dit duc u ses hoirs de une somme dargent, assavoir est de vint mille livres de noirs Tournois^b', lequelle somme dairgent nous promittons et avons enconvent a rendre et a paijer audit duc u a sen commandement^c', a Nivelle u a Brouxelle^d' u mius lui plairoit dedens lune de ces dues dittes villes. Et avons enconvent et promettons de venir en le ville de Brouxelle^e' a le semonse don dit duc u de son sertain messaigé, u envoijer^f' pour cascun de nous dues chevaliers gisans et demorans en le dite ville de Bruxelle, sans departir de la juskes adonc quil seroit assés fait audit duc de le dite somme dargent tout entirement, sans maelengien. Et se dedens ce respit durant que li dis duc a donnet a monsieur Bauduin^g' juskes au jour de Toussaint dessus dit, au dit duc u a aucun de ses gens de sen paijs de par le dit monsieur Bauduin^h' u ses amis u ses aidans damages, griés u empeechemens de cors u davoir avenoit u seroit fais, en quelconques maniere que ce fust, en loquoison de sa prison, que de ce damaige et grief sommes ausi plaige et respondant entirement au dit duc et a ses gens, et les en promettons awaerder et asenser des griés et des damages, en quelconques maniere quil poroit avenir par loccoison de sa prison dedens le respit devant nommeit; et est assavoir que nous sommes ausi tenut de revenir a Brouxelle^i', u li chevalier que nous i envoierions pour nous, jusques adonc que des dis damaiges et avenues seroit asés fait au dit duc et a ses gens, avoek le somme des vint mille livres devant nommeit, sans mailengien. Encore promettons nous que se il avenoit, que ja naviegne, que dedens le terme de Toussains devant dit li dis messires Bauduins^j' aloit de vie a mort^k', dont^l' Dius le deffengne, que nous le dit duc et tous chiaus de sen paijs et cescun diaus tenrons et tenir ferons enviers les amis et parens le dit monsieur Bauduin^m' et loccoison de cest prize et pays, sans grief et sans damaige a tous jours; et parmi cou somes^n' nous et devons eistre quitee des plegeries devant dittes. Et pour toutes ces coses bien et loyaument atenir et accomplir nous obligons nos biens et les biens de nos hoirs presens, avenir, en quel liu que il soit u que on les puist trouveir, pour prendre et arreister, vendre et despendre partout, jusques adont que assés seroit fait entirement au dit duc u as ses hoirs des convenances dessus dites. Et toutes ces cozes, convenances dessus dittes, et cascune delles, nous promettons et avons enconvent en boine foy, loyaument de tenir et faire tenir fermes et estaules et de accomplir^o', sans venir ne faire encontre^p' par nous ne par autrui de par nous, en nulle maniere, sans mailengien.

Et pour chou que toutes ces convenanches dessus dites et cescune delles soient fermes et estaules et bien tenus, si en avons ces presentes lettres saielees de no propres sayauls^q'. Qui furent faites et donnés lan de grasce mil trois cens et^r' dis wijt, le jour de le Magdelainne^s' par un semadi^t'.