Registers van de Hollandse grafelijkheid 1299-1345

Graaf Willem III kent graaf Willem VI van Gulik 700 pond Tournois (jaarlijks) toe uit de opbrengsten van het bos van Mormal, uit te keren door de rentmeester van Henegouwen, welke rente samen met die van 1000 pond die hij hem eerder had toegekend uit opbrengsten van land in Holland zal lopen totdat de 17.000 pond is afbetaald die hij de graaf schuldig is vanwege diens huwelijk met zijn dochter Johanna.

Guillaumes^a cuens de Haynnau^b, de Hollande^c, de Zeelande et sires de Frise^d faisons savoir a tous ke com^e nous fuissiens^f envers noble et poisant homme, no cher et amei Guiellaume^g conte^h de Julers, pour leⁱ cause dou mariage fait entre lui et no cher et amee fille Jehanne, le quelle nous lui avons^j donnee a fenme et a espeuze^k, en une somme dargent que nous lui avons paijé jusques a le somme de dis et sept M lb. gros Tornois^l pour saise deniers, et il fust entre nous et lui acordet^m ke pour les dettesⁿ de dis et sept M lb. nous lui deviemes assener dis et sept cent livres de terre au Tornois^o monoye deseure dite, tant ke nous lui ariens^p paijet les diset mille livres^q dessous nommees, ensi^r quil est plus playnement contenut es lettres des convenenches^s dou dit mariaghe sour che^t faites; dont nous lui avons fait assener en no paijs de Hollande^u mil livres de terre, ensi demeure ke nous lui en avons encore a assegner siept cens livres de terre, les quelles nous lui assenons a prendre et a rechevoir cescun an sour les tailles de no forest de Mourmail^v a deus payemens, cest asavoir le motiet a le saint Jehan^w baptiste^x et lautre au Noel suwant apres, et commenchera li primiers payemens au jour sant Jehans^y baptiste qui sera en lan de grasce M CCC et trente, et li autres au Noel suant apres, et ensi de terme en terme au tous jours hiretaulement pour lui et pour ses oirs qui de no dite fille isteront, tant ke nous luij^z arons en autre lui^a' assenet souffissament u paijet argent a lavenant^b' en le maniere ke les ^c' lettres dou dit mariage contienent, sans maise occoison^d'. Si mandons et commandons a no recheveur de Haynnau^e', kiconques le soit pour le temps avenir, ke il les siept cens lb. de terre devant dites paieche audit comte^f' u a sen certain messaigé^g' cescun an as dis termes et en le dite monoye; et de che quil en payera puis or en avant, nous len quitons et tenrons paisuele a ses comptes parmi lettres de quitance quil enpoirtera^h' dou comte^i' dessusnommet, les queles il nous rendera a ses dis comptes.

Par le tiesmong de ches lettres saiellees de no saiel. Donnés lan de grasce M CCC vint et noef, le dymense apres le jour saint Andriu.