Registers van de Hollandse grafelijkheid 1299-1345

Dirk abt van Egmond verklaart op verzoek van enkele met name genoemde edelen dat hij zich wil onderwerpen aan de uitspraak van de graaf in het geding tussen hem en Jan van der Mije, mits de graaf binnen een maand in een open brief kenbaar maakt zich met de zaak te willen belasten.

Vgl. de voorafgaande oorkonde nr. KE 106 in het register.

Enen edelen prence ende enen moghenden, onsen lieven here ende bescermere dien grave van Heneghouwen^b, van Holland^c, van Zeland ende here van Vrieseland^d, Dirch^e bider ghenade Gods abt van Egmonde^f, sine ewelike bedinghe in osen^g here Gods. Lieve^h here, wi doen ju cund dat wi die saken die twisken Iohanneⁱ van der Mye ende ons ghestaen hebben in ghedinghe tote des dinendaghes^j toe na Sinxen ane ju ghelike ghebleven sijn ende bliven also als wi aleer ghedaen hebben, als ghi wel weet, omme bede dies heren van Voerne, dies hieren van Iselsteyne^k ende anders vele gode lieden, in desen manieren. Es dat sake, lieve here, dat ghire ju mede beladen wilt, ende ons dair of binnen eenre maende van desen daghe juwen opene brief senden wild; ende en wilde ghi dese dinghe niet ane ju nemen, so selle wi bliven op alle^l dien rechte dat wi hem eyschen^m waren up dese daghe. Ende wille ghise anne ju nemen, so nemet also daneⁿ sekerhede van Iohanne^o alse waer bi dat ghi ju ere daer in bewaerd ende onse recht.

Ghegheven toet Egmonde^p onder onsen seghele int jaer ons Heren dertien hondert ende sesse ende twintich jare^q des dinxendaghes na Sinxen voerseyd.