Registers van de Hollandse grafelijkheid 1299-1345

Graaf Willem III gelast Hendrik Dirksz., rentmeester van Kennemerland en West-Friesland, dat hij de hoeve lands bij Haarlem, welke eerder was geschonken aan de bisschop van Zuden en diens convent te Haarlem, laat uitmeten en toewijzen.

Wi Willaem^b grave van Heynnegouwen^c etc. maken cond etc. Onbieden u onsen rentemeester van Kenemairland^d ende van Vriesland^e, Heynric^f heren Dierix^g f.^h, dat ghi die hoeve lands die wi ghegheven hebben onsen lieven ende ghetrouwen den biscop van Zuden ende sinen convente te Hairlemⁱ, wilke hoeve lands gheleghen es bi Hairlem^j, also als onse brief hout die wie hem ende sinen convente dair of ghegheven hebben, bewijst ende^k uut meten doet als ghijs van hem of van sinen boden vermaent word. Want wiet bevolen hadden Willaem^l veren Bairten sone, die onse rentemeester was in Kenemairland^m, dat hize hem uut ghemeten soude hebben ende bewiset van onser weghen, des noch niet ghescied en es; dair omme zoe willen wijt dat gijt noch doet, ende bevelentⁿ u med desen brieve.

Ghegheven toit Hairlem^o des sonnendaghes na sinte Katherinen^p dach int jaer ons Heren M^o CCC^o acht ende twintich.