Registers van de Hollandse grafelijkheid 1299-1345

Graaf Willem III verkoopt aan Willem Arnoudsz. van den Veen de jaarrente van 1 pond Hollands die de voortvluchtige Willem Grietenz. van Delft alias Vierkante Wille had op de woning van Kerstekijn Hanen in Maasland.

Vgl. de nrs. NH 289, 290, 292 en 410-411.

Wi Willem^a grave van Heynnegouwen^b etc. maken kond etc. Want Willem^c Grieten^d zone^e van Delf, die ghehieten was Viercante^f Wille, jeghens onser heerlichede alsoe mesdaen heeft dat hi onse land gherumet hevet ende voirvluchtich^g es, zoe hebben wi bi Arnoude van den Dorpe^h, onsen bailiu van Delflandⁱ ende van Scieland^j, dat pond ghelts sjaers Hollands^k die^l Willem^m voirs. hadde op Kerstekijnsⁿ Hanen^o woninghe, die gheleghen es in Maseland^p, vercoft Willem^q Arnouds^r sone van den Vene om zes pond ende vijf scellinge Hollands^s, wilc pond sjaers voirs. wi gheloven Willem^t voirscreven ende zine nacomelinghe te waren ende te vryen van allen commer dier Willem^u Grieten^v sone voirs. jof zine nacomelinghen op eysken mochten; ende ombieden allen onsen bailiuwen, rechters ende scepene van onsen lande dat zi Willem^w Arnouds sone voirnoemt in desen eyghendom houden, ende des niet en laten.

Ghegheven in die Haghe des eirsten sonnendaghes na Belokene^x Paesken int jaer ons Heren^y XXVI^o.