Registers van de Hollandse grafelijkheid 1299-1345

Graaf Willem III verkoopt Beatrijs, dochter van heer Dirk van der Doortoge, ridder, de goederen ter Doortoge, in Zevenhuizen en in Zegwaard die van wijlen haar vader waren, welke goederen zij in recht leen zal houden, met de bepaling dat zij met een deel van de koopsom de op dat goed rustende schuld zal afbetalen aan heer Gerard van Poelgeest, ridder; voorts regelt hij de vererving van het leen.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

Vgl. nrs. NH 366, 368 en 370.

Wi Willaem^b grave van Heynnegouwen^c etc. maken cond etc. dat wi Beatricen^d, ^e heren Dierics^f dochtere van der Dortoghe^g, ridders, alsulc goid alse ons ane comen is van heren Diederixs^h doit hairs vaders, dat es te verstane dertich morghen lands littel min jof meer legghende ter Dortogheⁱ, dair die hofstede binnen leghet dair die woninghe op staet, dat ambocht te Sevenhuzen^j alsoe alst hair vader hadde, die vischerie die dair toe behoird ende die grute, dat ambocht ten Segwairde^k ende an den tiende in den ambochte twintich pond Hollands^l sjaers luttel meer jof min, dat coemt boven der lijftocht die vrou Ermegaerd^m hair moeder hevet an den tiende in dien ambochte voirs., vercoftⁿ hebben omme vier hondert pond ende vijftich pond Hollands, van ons ende van onsen nacomelinghen hair ende haren nacomelinghen in rechten leene te houdene; ende van desen voirseyden ghelde sal ^o si betalen heren Gherarde^p van Poelgheest^q, riddere, twie hondertich pond Hollands die men hem up dien^r voirseyden goede sculdich es, ende die ander twie^s hondert ende vyftich pond Hollands sal si ons betalen jof onsen ghewairden bode, die ene helf binnen Delf marct die in den somer naest comet ende die ander helft te Voerscoter^t marct die dair naest comet. Ende wi beloven der voirseyder Beatricen van dien^u voirghenoemden goede recht warant te wesene na coustume ende recht van den lande. Ende wair dat die voirseyde Beatrice^v storve sonder oyr^w leen volghere, soe willen wi dat dit voirseyde goet come up vrou Ermegheer^x hare moeder toit^y haren live.

Omme dat wi^z willen dit^a' hair ende haren nacomelinghen van ons ende van onsen nacomelinghen et^b' vaste ende ghestade houden^c', zoe hebben wi hair desen brief ghegheven uyt hanghende bezegheld med onsen seghel, in den jare ons Heren dusent drie hondert ende vive des vriendaghes voir onser Vrouwen daghe ter lijchtmesse, in Dordrecht^d'.