Registers van de Hollandse grafelijkheid 1299-1345

Graaf Willem III verkoopt aan Floris van der Boekhorst, baljuw van Delfland en Schieland, de goederen in vrij eigendom die hem waren toegevallen van wijlen Willem, zoon van meester Jan, onder voorwaarde dat Floris tevens de nagelaten schulden van Willem betaalt.

Wi Willaem^a grave etc. maken cond etc. dat wi bi Enghebrecht^b van Voirscoten^c, onsen rentemester van Noirtholland^d, hebben vercoft Florijs^e van der Boechorst, onsen bailiu van Delfland^f ende van Scieland^g, alsulke^h erfnesse als ons ane verstarf van Willaemⁱ mester Jans^j soen doit, husinghe ende land, renten ende tilgoed^k cleyn ende groet also alst ons van den voirs. Willaem^l ane quam, omme vier ende tsestich pond Hollands^m, daer Enghebrechtⁿ onse rentemeester voirs. ons goede rekeninghe of ghedaen heeft; ende gheven Florijs^o voirs. van den^p voirnoemden goede enen vryen eyghendoem ende lovet^q hem te waren als men een eyghen goed sculdich es te waren. Endet sien^r voirwarden dat Florijs^s voerscreven betailen sal die scout die Willaem^t voirs. sculdich blef, ende sulc testament als hi macte dat redelijc was.

In orkonde etc. Ghegheven in den^u Haghe des satersdaghes na sente Lucas dach int jaer ons Heren M CCC ende dortich^v.