Registers van de Hollandse grafelijkheid 1299-1345

Graaf Willem III beveelt Dirk van Zwieten om enkele nader omschreven leengoederen in het ambacht Zoeterwoude, die volgens Dirks zeggen door de houders op onrechtmatige wijze waren vervreemd, door middel van een procedure voor het zeventuig weer in grafelijke hand te brengen, met uitzondering van goed dat in het bezit is van Trude, weduwe van Boudewijn van Zwieten; hij belooft Dirk dat hij hem met het aldus teruggegeven land zal belenen.

Wi Willaem^a grave etc. maken cond allen luden^b dat wi verstaen hebben van Dieric^c van Suieten ^d alse^e dat som land leghet in Soeterwouder ambocht dat onse eyghen^f wesen soude ende ander lude leen, ende vercoft es over eyghen van den ghenen diet van ons helden, dair ons of denket dat si suaerliken jeghens ons in misdaen hebben, dat^g te weten van vijf morghen lands inden Gheer die Willaem^h van Meerburch van ons te leene helt; voirt verstaen wi van hem dat dairⁱ som land leghet dat ons ane ghecomen soude wesen van Kerstans van Suyeten^j die ballinc buten lands doit blef, ende som lude an ghevanghen ende ghebruket hebben buten ons over hoir eyghen, ende hieten^k Joenis acker^l, die groet es ses morghen ende een morghen in die Ses acker^m. Wair omme wi bevolen hebben Dieric^n o van Suieten voirs. dit voirs. land ane te spreken op die seven alse^p verre alst Trude, Beudijns^q weduwe van Zuyeten^r, niet en besit, want wi hoir dair of toe gheseyd hebben gracie te doene; ende so wad lande ons dair of ghegheven worde^s, dat sullen wi Dierike^t voirs. van ons verlien te houden ten rechten lene.

In orkonde etc. Ghegheven Tordrecht^u op Alreheylighen^v avond int jaer XXX^o.