Registers van de Hollandse grafelijkheid 1299-1345

Graaf Willem III beleent Jan van Foreest met de 14½ morgen land in het ambacht Koudekerk die Herman van Zwieten hem daartoe had opgedragen, welk goed eerder door Marcelie, echtgenote van Screvel Jansz., ten behoeve van Herman was opgedragen; voorts regelt hij de vererving van dit leen.

Over dit goed zie ook nrs. NH 314, 323 en 363.

Wi Willaem^a grave van Heynnegouwen^b etc. maken cond etc. dat Harman van Zuyten^c quam voir ons ende voir onse manne, ende droch ons op ende scaut quite toit Jans behoef van Foreest vijftiendalf morghen lands die hi van ons^d ten rechten lene helt, legghende int ambocht van Coudekerke^e in den ^f Laghen wart^g ende hieten die Baten, binnen desen merken: ant zuytende die Gheer, an die westzide die Batelane, ant noirt ende die Ort^h endeⁱ an die oistzide^j dat ambocht van Outshoirne^k, ende dair Marselie^l, Screvels Jans soens wijf, te voren voir ons hoir lijftocht of quite scouden hadde van dien selven lande tote Harmans behoef voirseyd, wilc land voirscreven wi verliet hebben ende verlien Janne van Foreest van ons te houden ten rechten lene; ende hebben hem sulke gracie ghedaen: wair dat sake dat hi storve sonder wittighen sone, dat dit land comen soude op sine outste wittighe dochter, ende die soud van ons houden ten rechten lene.

In orkonde etc. Ghegheven in die Haghe des manendaghes in die Paischdaghe int jaer ons Heren M CCC ende dortich.