Registers van de Hollandse grafelijkheid 1299-1345

Graaf Willem III verkoopt aan Elizabeth, Aachte en Catharina, kinderen van Jan de Schout, de 4 morgen land in het ambacht Rijswijk in vrij eigendom die hem waren aangekomen bij de dood van hun vader.

Wi Willaem^a grave etc. maken cond etc. dat wi bi Enghebrecht^b, onsen rentemeister van Noirtholland^c, vercoft hebben Lisebetten^d, Achten^e ende Katerinen^f, Jan Scouten kindere, toit^g haren vrien eyghen vier morghen lands die ons bestorven van Jan den Scoute voirs., legghende in den^h ambocht van Rijswijc binnen desen merken: an doistzide Andries land van der Borch, an die westzide der kinder land voirs., an die nortside die Ladijc ende andie westzide die Bredewech, omme twe ende dortich pond Hollandsⁱ, dairse onsen rentemeister voirs. ghenoch of ghedaen hebben, diere ons goede rekeninghe of doen sal; ende gheven den kinderen voirs. enen vrien eyghendom van den voirscreven lande, ende lovent^j hem te waren als men een eyghen goed sculdich es te waren.

Mit desen brieven etc. Ghegheven in die Haghe des manendaghes na Paischen int jaer ons Heren^k M CCC^o een ende dortich.