Registers van de Hollandse grafelijkheid 1299-1345

Graaf Willem III beleent jonkvrouw Ermegarde, dochter van Gizekijn Jansz., echtgenote van Jan van den Werve, bij wijze van lijftocht met 12 pond Hollands jaarlijks uit de woning van Jan en 3 pond Hollands jaarlijks uit 5½ morgen land aan de Linschoten, welke goederen Jan in leen hield; voorts regelt hij de vererving van dit leen.

Wi Willaem^a grave etc. maken cond etc. dat wi hebben verliet ende verlien joncfrouwen Ermegharden^b, Ghisekijn^c Jans soens^d dochter, Jans wijf van der^e Werve, toit hare lijftocht twalf pond Hollands^f sjaers, van der oistziden intenemen in Jans woninghe van den Werve voers. dair hi nu te tiden in wonet, ende drie pond Hollands^g sjaers op sestalf morghen lands die gheleghen sien ane die Linscoten bi Heynen woninghe van Honthorst, die Jan voirs. van ons houd, in dusghedaenre^h manieren dat dit voerghenoemde goed comen sel na joncfrouⁱ Ermegharde^j doit voirscreven op die kinder die si winnet bi Janne van den Werve, horen man vors., van ons te lene te houden in allen den rechte dat Jan van ons houd; sonder archlist.

In orkonde etc. Ghegheven te Hairlem^k des woensdaghes na sente Margrieten^l dach int jaer ons Heren M^o CCC^o een ende dortich^m.