Registers van de Hollandse grafelijkheid 1299-1345

Bisschop Jan III van Utrecht belooft graaf Willem III, onder verband van alle goederen van hem en van het Sticht, schadeloos te houden voor alle schulden en schade die mochten voortvloeien uit diens belofte heer Zweder van Abcoude, ridder, te zullen handhaven in het huis ter Horst, de bijbehorende gerechten en het halve gerecht van Renen, welke de bisschop aan Zweder had gegeven als onderpand totdat de 4.000 pond zwarten Tournois zou zijn terugbetaald die deze aan hem had geleend.

Vgl. nr. UT 80.

Wi Jan bi der ghenade Goids biscop van Utrecht^b maken cont allen luden die desen brief zien zullen jof horen lesen. Want wi doe wi eerste in onse bisdom^c quamen onse Ghesticht^d van Utrecht^e vors. van scoude zoe beladen vonden dat onse canesien ons orloveden met haren brieven dat wi des Ghestichts goet versetten mochten tote achte dusent pond Tornoyse^f toe, ende onse trouwe man here Zueder^g van Abecoude, ridder, ons ende vor ons ghefiniert hevet om^h des Ghestichts groet noet, ende die in desⁱ Ghestichts orbare ghecomen sijn vier dusent pond zuarter Tornoyse^j, enen groten over zestien penninghe gherekent, ende wi hem voer dese voersproken zomme ghelts te pande hebben gheset onse huys ter Horst^k ende die gherechten^l die daer toe hoeren ende die helfte van den gherechte^m van Renenⁿ, hem ende sinen nacomelinghen te houdene ende te besitten tote diere tijt toe dat hem jof sinen nacomelinghen ghenoech ghedaen es, alsoe als die brief spreket die here Zueder^o vors. daer of hevet van ons beseghelt; ende hier boven een edel prinsce ende machtich, here Willaem^p grave van Heynegouwen^q, van Holland^r etc., om onser bede wille hevet ghelovet vor ons heren Zueder^s vors. dat hi hem jof sinen nacomelinghe houden zal nae siere machte in desen voerseyden onderpanden alst vorscreven es, soe gheloven^t wi dene vorseyden prinsce ende sinen naecomelinghe in goden trouwen voer ons ende onsen nacomelinghen van desen verbinde scadeloes ende vry te houden, ende verbinden daer voren vor ons ende voer onsen nacomelinghe onse goet ende onse Ghestichts goet, zoe waert gheleghen es, ende daer toe die brieve die wi hebben van onsen kanesien, ende bekennen dat die scout ende scade die daer of comen mach voren uyt daer of bekeert zullen worden, ende hi ende sine nacomelinghe weder ons ende onse Ghesticht daer mede behelpen moghen tote diere tijt dat hi quite si van hoeftghelde^u ende alle scade die hi daer omme liden zal, met sinen simplen woerden; ende vertyen hier of alre behendichede, weringhe gheestelike ^v ende waerlike ende^w alreconne arghelist bi wilken dat wi ons weren mochten, waer bi dat alle dese dinghe niet ghehouden en worden in allen manieren als voersproken^x es.

In orconde etc. Ghegheven in die Haghe des dinxendaghes nae Palmedaghe int jaer ons Heren M CCC XXVI°.