Graaf Willem IV schenkt zijn bode Allard Willemsz. voor de duur van diens leven een jaargeld van 10 schelling groten Tournois, uit te keren door de rentmeester van Beoosten Schelde, alsmede het grafelijk livrei tezelfder tijd als de knechten van de grafelijke herberg.
Allairt Willems zone.
Een streep door het begin van de tekst.
Wi Willaema ..grave van Heynnegouwenb etc. maken cond allen luden dat wi ghegheven hebben ende gheven met desen brieve Allart Willems sone onsen messelgier, omme menighen trouwen dienst dien hi ons ghedaen hevet ende noch doen sal, also langhe als hi levet tien scellinghe grote Tornoysec tsyaers, ende onse ghersoen rocke toit elken termine als wi rocken gheven ghemeenlike onsen knechtsen van onser herberghe. Ende ombieden onsen rentemeyster van Beoesterscelt in Zeellandd die nu es of die hier na wesen sal dat hi hem dit ghelt voirscreven jairlix betale, sonder enich ghebot meer van ons te hebben, die ene helfte te sinte Jans misse middesomere ende die ander helfte tote Kersavondef dair na naest comende; ende van also vele als hi hem toit elken termine betalen sal, sullen wi onsen rentemeyster quiten in siere rekeninghe.
In orconde etc. Ghegheven te Zierixzee des donresdaghes na sinte Lucas dach int jair ons Heren M° CCC° zeven ende dortich.
Per dominum Danielemg de Merewedeh et Tielmannum Moelnair.