Registers van de Hollandse grafelijkheid 1299-1345

Graaf Willem IV bevestigt de schenking door Gillis, zoon van Pieter Jansz., aan diens echtgenote jonkvrouw Beatrijs, dochter van Pieter Gillisz., van een lijftocht bestaande uit de helft van een aantal nader omschreven tienden op Noord-Beveland die Gillis van hem pacht; jonkvrouw Beatrijs zal hiervoor jaarlijks 3 schelling pacht afdragen aan de graaf.

Willem grave van Hennegouwen^a etc. maken ^b allen luden dat Gillijs Pieter Jans soens sone bi onsen wille ghemaect heeft joncvrou Beatrisen^c Pieter Gillijs soens dochter, zijnen wive, tot horer lijftochte die ene helfte van al sinen tiende in Noirtbeveland^d die hi van ons in pachte hout, dat is te wetene die helft van X ghemete^e tiende legghende in die Welle in Emelisse ende in verNouden dorp, die Domaes Simoens soens waren; die helft^f van 1½ ghemete^g tienden ligghende op die Edekinghe, die Heynric^h Simons soens waren; die helft van ⁱ IIII½ ghemeten te tienden ligghende in Wissen kerke, die Gillis Heynrix^j soens kinder waren; ende die helft omtrend III ghemete tienden ligghende op dien moer besuden ^k Emelisse, die Heynric Pouwels soens^l waren. Wilke helft van al den^m tiende voirs. wi belien joncvrou Beatricen voers. te ghebrukene ende te besitten tot hare lijftocht, ende ghelovense daer in te houden als wi sculdich sijn te doene also langhe als si levet, behouden elken anderen sijns rechts; ende si sel ons jaerlijx te pachte gheven III s. Hollandsⁿ.

In orconde etc. Ghegheven te Serixe des sondaghes voer sinte Katrinen dach int jaer XLIIII.