Registers van de Hollandse grafelijkheid 1299-1345

Graaf Willem IV stelt te Brouwershaven een vrije haringmarkt in, en roept kooplieden uit Brabant, Vlaanderen, Holland en van elders op om aldaar haring te kopen.

Willem grave van Hennegouwen^a etc. maken cond allen lude dat wi in onsen dorpe van Brouwers haven gheliet hebben ene vrie harinc marct, allen comannen vrylik te varen ende te keren mit zulke recht als men suldich is te doen ende men in anderen havenen pleghet te gheven, zonder archlist. Ende bidden allen coepmannen^b die haring copen willen, sijn zi uut Brabant jof uut Vlaenderen^c, uut Holland^{d e} jof waen si sijn, dat si dese haring marct voirs. soeken willen; wi zullenze also doen hantieren dat sijs him mit reden beloven moghen.

Ghegheven tot Zierixe up sinte Katrinen avond int jaer XLIIII.