Graaf Willem IV oordeelt, naar aanleiding van klachten door de nonnen van Koningsveld, dat de nabestaanden van wijlen vrouw Baarte geen aanspraak kunnen maken op de goederen van het klooster waarop zij lijfrenten had gekocht toen zij daar non was.
Den goedshuse van Conincxvelt.
Willem grave van Heynnegouwena etc. maken cond etc. dat ons die nonnen van Coninx velt hebben doen toghen datter ene nonne uut den convente die verBairte hiete ghestorven es, die lijfrenten ghecoft hadde up des goets huys ghoet voirscreven; nu comen hoir naeste maghen ende willen dat ghoet ane calengeren ende delen, als wi verstaen, ende zegghen dat an hem verstorven es, dat ons ende onsen Rade ghene reden denct. Wair omme wi ombieden allen onsen scouten, scepenen ende rechteren in onse lande binnen steden ende buten dair tghoed gheleghen es, dat men van dien ghoede niemant recht en doe dan den goetshuyse van Coninxvelde ende hoeren ghewairden bode, et ten ware bi onsen zonderlinghen beveelnisse.
Ghegheven in die Haghe des woensdaghes na Paisdaghe int jair XLIIIIo.
Per dominos Theodericumb de Brederodec et Symonemd de Teylinghene.
f S(igillavit) Theodericusg Mathenesseh.