Graaf Willem IV, die uitspraak heeft gedaan in de twist tussen zijn neef heer Jan heer van Arkel enerzijds en heer Otto heer van Asperen anderzijds, waarbij beiden borgen hebben gesteld voor de boete van 2000 pond Tournois wanneer zij de uitspraak niet zullen naleven, verklaart dat hij heer Jan op diens woord vertrouwt en ontslaat diens borgen van hun verbintenis.
Van tselve.a
Een streep door het begin van de tekst.
Willaem ..grave etc. maken cond allen luden dat wi yen segghen seyden op sinte Pouwels dach in januario int jair XLIob tuschen heren Janne here van Erkel, onsen lieven neve, op diene zide ende heren Otten here van Asperenc up die ander zide, van alsulken twye ende discoirde als si onderlinghe ghehadt hebben tote den daghe toe voirscreven, van alsulken zaken als die brieve houden die wi elken van beyden enen over ghegheven hebben, bezeghelt mit onsen zeghel; dair ons elke van beyden borghe of gheset hebben, ghelikerwijs dat die voirs. brieve van onsen segghen in hebben, dat te houdene ende te voldoen op ene pene van IIM lb. Tornoysed. Ende want ons onse neve die here van Erkel voirnoemd selve gheloeft heeft voir hem ende voir sinen nacomelinghen onse segghen te houden ende te voldoen op die pene voirscreven, ende wi heme des wel gheloven, soe hebben wi sine borghen die onse segghen begrepen heeft quite ghescouden, ende houden ons des an hem ende sinen nacomelinghen.
In orconde etc. Ghegheven te Sinte Gheerdenberghef int jair voirscreven des anders daghes na sinte Pouwels dach voirs.