Registers van de Hollandse grafelijkheid 1299-1345

Graaf Willem IV beleent zijn neef Willem de Cuser met het huis en nader omschreven bijbehorende erf in Schoten dat deze hem in vrij eigendom had opgedragen; voorts regelt hij de vererving van dit leen.

Vgl. nr. WI 355.

Willem ..grave van Heynnegouwen^a etc. maken cond allen luden dat Willem die Cuser, onse neve, ons op ghedraghen hevet van sinen eygheliken goede sijn huis te Scoeten, dat Aernouds des Wilden was, met allen erve datter toe behoert, legghende te Scoeten ende beleghen hevet op die suit zide Jacob van Bakenisse ende op die noirt side Clays moeder van Bakenisse, ende dat oestende die Brede wech ende dat westende die Veen wateringhe, toit enen vryen eyghen; wilc huis ende land voirscreven ^b verlien ende verlient hebben Willaem voirs. ende sinen nacomelinghen van ons ende van onsen nacomelinghen^c te houden ten rechten erfliene, in manieren dattet^d na siere doit comen sal op sien outste zoen die hi hebben sal bi joncvrou Machtilden, Reiniers dochter van Heemstede^e, sinen wive, jof op siere outster dochter die hi bi hoir hebben sal. Ende hadde hi bi hoir ghenen zoen noch dochter, soe soude dat goed comen op Coenen sinen soen of op Coenen kinder; ende ghebrake Coenen sonder wittachtighe boerte, soe sout comen up Willaems^f voirs. jongheste dochter die wairlic waere ende die hi hadde bi joncvrou Yden, heren Coenen dochter van Oester wijc.

In orconde etc. Ghegheven in die Haghe des vridaghes voir sinte Katerindach^g int jaer XXXIX^o.