Graaf Willem III verleent heer Jan van Brandenburg en diens broers Gijsbrecht en Herman een vrijgeleide voor zijn landen gedurende twee jaren.
Heere Jan, Gijsbrechta ende Harmanb van Brandenburch gebroederen.
Wi Willaemc ..grave etc. maken cond allen luden dat wi nemen in onse gheleyde ende in onse bescermen heren Janne van Brandenburch, Ghisebrecht ende Harman sine broeders ende hore mesnide ende hair goed, te varen ende te keren in allen onsen landen vrylicd, ende ombieden allen onsen bailiuwen ende bidden allen onsen goeden luden van onsen lande zoe wair dat si jof hair boden jof hair goed comet dat si vorderlic ende ghehulpich sien omme onsen willen. Ende dit gheleyde voirnoemt ende dit bescermen sal in gaen te Pijnstren naest comendee ende sel gheduren twie jair dair nair staende, behouden ons rechts, ten ware dat wijt hem hier binnen wederseyden.
In orconde etc. Ghegheven in die Haghe des eersten sonnendaghes na Paeschen int jair ons Heren Mo CCCo ses ende twintich.
Per Willelmusf camerarius.