Registers van de Hollandse grafelijkheid 1299-1345

Gillis van Lokhorst draagt zijn gerecht en tiende aan de Breudijk, welke hij eerder tegen de wens van graaf (willem III) aan heer Arnoud van IJsselstein had verkocht, op aan de graaf.

Deze oorkonde is tevens opgenomen in het register Amstelland: zie nr. AW 26. De varianten uit de lezingen aldaar zijn in onderstaande editie geannoteerd onder de siglen C en D.

Vgl. oorkonde nr. WO 60 in dit register.

^a Allen den ghenen die desen brief sullen sien jof horen lesen make ic cond Gillijs van Lochorst^b dat alle mine gherechte ende tiende ligghende ane den Breydijc^c tuschen heren^d Arnouds lande van Yselsteyne^e ane die over side ende heren Zueders^f van Abecoude^g ane die neder side, die ic in liene helt van minen here den ..grave^h van Heynnegouwenⁱ ende van Holland^j, vercoft hadde heren Arnoude van Yselsteyne^k omme drie hondert ende dortich pond suarter^l Tornoisen^m; ende want mijn here die ..grave voirs. den coep van den gherichte ende tiende voirs. selve hebben wille, soe hebbe ic gherechte ende tiende voir sine manne hem op ghedraghen ende quite ghescouden toit sijns selves behoef.

In orconde desen brieve bezeghelt met minen zegheleⁿ. Ende omme die meerre zekerhede soe hebbe ic ghebeden eersamen luden ende wisen heren Jacob bi der ghenaden Goeds bisscop van ^o Zuden ende heren Nyclaes^p bi der selver ghenaden abt van Middelburch^q, omme dat sie hier over waren dair icket minen here den ..grave voirs. op droech, dat si desen brief met mi ^r bezeghelen willen alse orconde^s. Ende wi Jacob bi der ghenaden Goeds bisscop van Zuden ende Nyclaes^t bi der selver ghenaden abt van Middelburch^u hebben met Gillijs^v voirs. desen brief^w alse orconde^x met hem bezeghelt met onsen zeghelen.

Ghegheven tot Hairlem^y op sinte Doemaes^z dach int jair ons Heren M CCC^o ses ende twintich.

¶ Hec littera est sub Engheberto.^a'