Graaf Willem III bevestigt de verkoop door de rentmeester van Noordholland en Woerden van acht gaarden land in het ambacht Bodegraven aan vrouw Sanne Koenraads.
Een streep door het begin van de tekst. In de marge, door een latere hand (17e eeuw):
Wi Willaema ..grave etc. maken cond allen luden dat wi stade ende vaste houden alsulken coep alse verSanne Conrads ghecoft hevet jeghens Engebrechtb van Voirscoten, onsen rentemeister van Northollandc ende van den lande van Wourden, alse van dier erfnisse die ons bestarfd van Gertrudene Willekijnf Gheldolfs dochter doyt, die up ons ervede achte gheerden lands ligghende int ambocht van Bodegraven up die zuutside tsrijs, streckende noirt uten Rijn, zuytwairts up ane die weyde, ende beleghen hevet meester Arnoud an doestside ende Matte Coenen kindre an die westzide, wilc land voirs. wi ghewaren verSannen voirnoemt of den ghenen die sijt vercoft hevet als men een vry eyghen scoudich es te waren.
In orconde etc. Ghegheven in die Haghe des dinxendaghes voir Pijnstere int jair ons Heren Mo CCCo achte ende twintich.
Per Enghelbertumg.