Registers van de Hollandse grafelijkheid 1299-1345

Nicolaas van der Merwede en Hugo de Monnik, kinderen van Simon vrouw Belenz., beloven dat zij nooit meer zullen ageren tegen graaf Willem III of diens opvolgers, op verbeurte van lijf en goed; de oorkonde wordt meebezegeld door enkele met name genoemde adellijke verwanten van hen.

Deze tekst is in C twee maal gekopieerd, de tweede maal temidden van een reeks per ongeluk gedubbelde afschriften, welke naderhand werden doorgestreept. Zie de kopnoot bij nr. ZE 83. – In de onderstaande editie worden de variante lezingen van de doorgestreepte versie geannoteerd met het sigle C'.

Vgl. nr. ZE 77.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

De onderstaande tekst is gebaseerd op afschrift B.

Allen den ghenen die desen brief zullen sien of horen lesen, wi Clays van der Merewede^b ende Hughe die Monic, Symon veren Beelen soens kindere, saluyt ende kennesse der ^c waerheyt. Wi maken cond ende kenlic allen luden dat wi ons verbonden ende verwilcoird hebben ende gheloift^d bi onser trouwen voir ons ende voir onse nacomelinghen dat wi^e nimmer meer werken noch misdoen en sullen noch ons zaten zullen te misdoene in rade noch in dade met ghienen list^f jeghens enen hoghen ende enen moghenden prenche, onsen lieven ende gherechten here heren Willame^g grave van Henegouwen^h, van Hollandⁱ, van Zelland^j ende here van Vriesland, ende sinen nacomelinghen. Ende waer dat wi jof onse nacomelinghe immermeer misdeden in enighen pointe voirs. jeghens onsen lieven^k here ^l ende sinen nacomelinghen^m voerscreven jof jeghens zine heerlicheyd, ende hi dat zelve ter waerheyt ondervinden mochte, soe hadden wi jeghens hem verboird lijf ende goed; ende dat zal staen tote sijns zelves proevene, bi wien hi wille.

Ende omme die mererⁿ vestenesse dat wi ons aldus verbonden ende verwilkoird hebben, zoe bidden wi^o edelen ende besceyden luden^p heren Daniel van der Merewede^q, heren Jan^r van der Dussen, heren Niclayse van der^s Merewede^t, heren Gillijs van der Oistkerke^u, ridders, Janne van Stienland ende Jacob Gheroncs^v sone, knapen, wes maghe dat wi sien, dat si desen brief mid ons bezeghelen willen. Ende wi Daniel, Jan, Clays ^w, Gillijs, ridders voernoemd, Jan en Jacob, knapen voerscreven, omme versoec ende bede van Clays^x ende Hughen Symon veren Beelen soens kindere, onse maghe voernoemt, hebben desen brief te kennesse met hem bezeghelt^y. Dat was ghedaen tote Middelburch^z des dinxendaghes voir Paeschen^a' int jaer ons Heren M CCC ende twintich.