Registers van de Hollandse grafelijkheid 1299-1345

Graaf Willem III gelast baljuw, burgemeesters en schepenen van Middelburg dat zij abt en convent van Middelburg helpen in het bezit te blijven van hun tiende genaamd Zwalinge, waarop de abt van Sint Paulus te Utrecht aanspraak maakt en die deze bevolen heeft in beslag te nemen.

Wi Willaem^b grave van Heynnegouwen^c etc. onsen lieven ende ghetrouwen den baliu, borghermeysters ende scepenen van onser poirt van Middelburch^d, saluyt met goeder jonste. Want wi vernomen hebben dat die abt van Sinte Pouwels tUtrecht den abt van Middelburch^e ende sinen convente, die^f in onse bescermte sijn, veronrechten wille van enen tiende diemen hiet Zuwalinghe, ende hi hevet bevolen dair an hant te slane van sinen weghen omme dat die tiende an hem comen soude wesen; ende want die abt van Middelburch^g in den besitte van den tiende voirs. met rusten^h gheweest hevet boven viertich jaren ende sine voirsaten, ende hi van den abten die tot Sinte Pouwels hebben gheweest tot desen abtⁱ toe den tiende voirs. verzocht hebben ende ontfanghen, dair si goede hantfesten of hebben, so ombieden wi u^j also narensteliken als ^k wi moghen ende willen dat ghi den abt van Middelburch^l ende sinen convente in den besitte van dien voirseyden tiende van onsen weghen hout ende starket, ende niet en ghedoghet datter iemant hand ane^m slae jof ghebruke anders dan die abt van Middelburchⁿ ende sijn convent voirs., tot ter tijd toe datse die abt van Sinte Pouwels tot Utrech^o met scoenren rechte uut dien besitte winnet. Ende des en laet niet, also lief als ghi ons hebbet.

Ghegheven in die Haghe int jaer ons Heren^p M^o CCC^o XXVII^o op^q sinte Marien Magdalenen avond.