Registers van de Hollandse grafelijkheid 1299-1345

Graaf Willem III bevestigt de door graaf Floris V op 13 januari 1290 aan de poorters van Zierikzee verleende tolvrijheid voor eigen goederen in het gehele graafschap.

Wi Willaem^a grave van Heynnegouwen^b etc. maken cond allen luden dat wi wel weten dat onse lieve porters van Zeerixee^c goede letteren hebben, bezeghelt met eens hoghes prensen zeghele ons lieves neve heren Florens wilenneer grave van Holland^d, dair God die ziele of hebben moete, sprekende in manieren als hier na volghet.

(Volgt de tekst van de oorkonde van graaf Floris V voor de burgers van Zierikzee d.d. 1290 januari 13, ed. OHZ IV, p. 774-776, nr. 2432.)

Ende wi Willaem^e grave etc. voirscreven^f omme menighen trouwen dienst die onse lieve poirteren van Zeerixee^g onsen vorvaren ende ons dicwile ghedaen hebben ende, jof God wille, noch doen zullen, hebben wi hem dit recht ^h gheconfirmeert ende ghesterket, ende ghelovent voir ons ende voir onse nacomelinghe hem ende horen nacomelinghen vast te houdene ende ghestade ewelike, sonder enich archlist.

Ende om dat wi hem dit houden willen sonder enich wedersegghen, hebben wi hem dese letteren bezeghelt met onsen zeghele uuthanghende. Ghegheven tote Berghenⁱ in Heynnegouwen^j op sinte Laurens dach^k int jaer ons Heren M CCC zeven ende twintich^l.