Registers van de Hollandse grafelijkheid 1299-1345

Graaf Willem III schenkt Jan van Cassel tot wederopzeggens 10 pond zwarten Tournois en een paar kleren jaarlijks, uit te keren door de rentmeester van Bewesten Schelde.

Vgl. nr. WI 13.

Wi Willem^a grave van Heynnegouwen^b etc. maken cont allen luden^c dat wi ghegheven hebben ende gheven met desen brieve Janne van Cassele omme menychghen ^d dienst die^e hi ons ghedaen^f heeft ende noch doen sal ^g tien lb. zwarter Tornoyse^h ende een pair cleeder sjaers, tote onsen weder zegghen,ⁱ welc ghelt ende cleeder wi hem^j bewisen an onsen rentemeester van ^k Bewester Scelt^l in Zeedland^m. Ende ombiede onsen rentemeester vorseit die nu es jof hier namels wesen sal dat hi Janne van Cassele voirseyde cleedre gheve van onsen weghen ende die voirseide tien pont betale, die eenen helft temeije ende die ander helft teBamisseⁿ, elx jaers sonder gebot van ons te hebbene, ende dat hi van hem neme sinen brief van quitanchen vor ons mede terekene; ende alzoe vele als de voirs. cleeder costen sulen ende hem onse^o rentmeester elx jairs van den voirnomden tien ponden betalen sal, zoe sullen wi hem quiten in sinre eerster rekeninghe die hi daer na doen sal.

In orconden etc. Ghegheven^p te^q Zierixee^r op sente Simons^s ende ^t Juden dach anno XXXI.