Registers van de Hollandse grafelijkheid 1299-1345

Graaf Willem III  beleent Reinier Bruke, knaap, met een erfelijke rente van 20 pond en acht schellingen Hollands per jaar uit de tol van Niemandsvriend, in plaats van de lenen tussen Schoonhoven en Ammers en in de Riederwaard die deze eerder had ontvangen maar daarna had teruggegeven.

De onderstaande tekst is gebaseerd op afschrift B.

Wi Willaem^a grave van Heneghouwen^b etc. maken kont allen luden. Wand wi Reynier Bruke onsen knape, omme menighen dienst die hi ons ende ^c voervorders hier te voren ghedaen hadde, bewijst hadden ende ghegheven van ons in rechten liene te houden jeghens twie ende dertich morghen lands luttel min jof meer di^d Hughen Phillips^e zoens waren, daer deel of gheleghen es tuysken Scoenhoven ende Ammers^f ende deel in Riederwaerd^g, welc land hi ons weder te hande ghelaten hevet; ende daer omme soe hebben wi hem ghegheven ende gheven mit desen brieve van ons in rechten leene te houden twintich pond ende achte scellinghe Hollands^h sjaers op onse tollen te Niemensvrientⁱ, elcs sjaers^j in te nemen te Kersavond^k. Ende ombieden onsen rentemeester van Zuytholland^l die nu es of hier na wesen zal dat hi hem dat ghelt ten termine voerseyt elcs sjaers^m betale ende sinen open brief daer of neme, der mede jeghens ons te rekene toter tijd toe dat wi hem die renten voers. in anderen steden bewijst hebben; ende daer bi hevet hi ons quite ghescoudenⁿ van allen achterstalle die hem van den lande voers. ghebreken mochten.

Ghegheven Tordrecht^o up sente Lambrechts avond int jaer ons Heren dusend drie hondert ende twintich.