Registers van de Hollandse grafelijkheid 1299-1345

Graaf Willem III beleent Harburch Tasse en Aleid, dochters van heer Jan van Brandenburg en diens echtgenote vrouw Jutte van Zuilen, met een jaarrente van 250 pond zwarten Tournois uit de tol van Ammers, welke rente de graaf echter elk jaar mag lossen bij afbetaling van schuld van 2.500 pond ineens, met welke afkoopsom dan ander leengoed gekocht zal worden; dit alles behoudens de lijftocht van vrouw Jutte.

Vgl. de nrs. ZH 366-367 en 384-385, alsmede nr. ZH 417.

Wi^a Willem^b grave etc. maken cond etc. dat wi gheloven ende verliet hebben Herburghen Taschen ende Aleyden, heren Jans dochteren van Brandenburch die hi hadde bi veren Jutten van Sulen sinen wive, dordalf^c hondert pond zwarter Tornoyse^d jairlixer renten in onser tollen toit Ammers, jairlix op te bueren ende te heffen sonder vertrecken half tote sente Martijns^e misse in den winter^f ende half toit sente Pieters misse in den lenten^g, te houden van ons ende van onsen nacomelinghen graven van Holland^h tote eenen rechten erfleene, mit eenen spairwair te verheerghewaden; mair die voirghenoemde jair renten moghen wi of onse nacomelinghe jairlix lossen ende bescudden jof wi willen ten lesten termine voirscreven med vijf ende twintich hondert ponden des voirseits payments, ende behoudelike dien kinderen hoir renten die hem dan achterstadich waren, in dier manieren dat men dat ghelt rechte voirt belegghen sal bi onsen rade ende sonder archlist an erve, wilc erve die voirghenoemde kindere ende hore nacomelinghe van ons ende van onsen nacomelinghen houden sullen toit eenen rechten erfleene, te verheghewadenⁱ alst hier voren bescreven es; behouden veren Jutten hoire moder hoir lijftocht, in sulker manieren als hoir brieve spreken die si dair of heeft.

Ende hier over waren onse manne als hair Gherard^j here van Voirne, burchgrave van Zeeland^k, Jan van Polanen, Daniel van der Mereweden^l ende Willem^m van Duvenvoirde, ridders. Ende omme dat wi willen dat dit vaste ende ghestade blive ende onverbroken, zoe hebben wi desen voirghenoemden kinderen desen openen brief dair op ghegheven beseghelt met onsen seghel. Ende want wi Gherardⁿ here van Voirne, burchgrave van Zeeland^o, Jan van Polanen, ^p Daniel van der Merewede^q ende Willem^r van Duvenvoirde, ridders, hier over ende ane gheweset hebben alse manne ons lieves heren van Holland^s dair dese dinghe ghesciet sien, soe hebben wi desen brief mede beseghelt met onsen seghelen omme die meerre orkonde deser dinghe.

Ghegheven in den Haghe des saterdaghes voir sente Laurens dach int jair XXXII.