Registers van de Hollandse grafelijkheid 1299-1345

Graaf Willem III beleent Hugo Nicolaasz. met tweederde deel van 3½ gaarden land in Nieuwkoop, welk land aan hem was toegevallen van Rijk Flansen toen deze het verbeurde omdat hij geen gehoor wilde geven aan een over hem uitgesproken willekeur.

Wi Willem^d grave van Heynnegouwen^e, van Holland^f, van Zeeland^g ende here van Vriesland^h maken cont allen ludenⁱ dat omme dienst dien ons Hughe Clays sone ghedaen hevet ende noch doen zal, ghegheven hebben ende gheven met desen brieve Hughen voirs. van ons in leene te houden die twee deele van vierdalf gaerden lands gheleghen in den ^j Niewencoep^k, binnen desen marken: op ^l die westzide Dieric Aleyden^m zoens ende Jan Kerstinen zoens land, op die oistzide Rikeⁿ Flansen land, uytgaende an die Mye ende op in den vene ghelike buerlande, die ons ane ^o ghecomen waren van Rike Flansen voirscreven, alse van verbornesse bi eenen wilcore van eenen zegghen dat op hem ghezeghet was bi Boudwijn Werenbouds sone, bi Boskaerde^p ende bi Janne Maseric, des hi niet houden en wilde, zoe dat hem dit voirseyde land over dien wilcoer ward of ghepant ende of ghewonnen tot onser behouf, na den rechte van onsen lande.

Ende omme dat wi Hughen voirs. deser ghifte van desen voirscreven lande alsoe alst ons ane quam in der manieren voirs. ghewaren, soe hebben wi in kennesse dair of desen brief open bezeghelt met onsen zeghele. Ghegheven tote Zierixzee^q des anders daghes na sente Symon ende Juden dach int jair ons Heren M^o CCC^o XXXIIII^o.