Rijmkroniek van Holland (366-1305)

lange s verbeterd uit iets anders t verbeterd uit d misse achter de voorafgaande regel, en met dubbele afbrekingsstreep verbonden met vrouwen de eerste e en de g elk verbeterd uit een bovenschacht in de marge vóór de lombarde een representant a onder de kolom in de marge de aan de onderzijde grotendeels afgesneden custode Die winnen woude wan al daer in de marge, half bedekt door de lombarde, een representant d berechten boven de regel toegevoegd lezing van de l niet geheel zeker de eind-s bovengeschreven e verbeterd uit iets anders d verbeterd uit een bovenschacht dach boven de regel toegevoegd wi doorgestreept en si erboven geschreven

Vergelijk regels 13078 tot en met 13145

vorige 50 regels   | volgende 50 regels | Ga naar regel

			Handschrift C (ga naar pagina)		Handschrift B (ga naar pagina)		Handschrift A (ga naar pagina)
13078	IX 1375		So soude tghemeente van hollant		Soe soude tghemeente van hollant		So soude tghemeente van hollant
13079			Herde sciere keren die hant		Harde sciere keren die hant		Herde sciere471 keren de hant
13080			Metten porten al ghemene		Metten porten al ghemene		Metten porten alghemene
13081			Sone mocht hijs niet berechten786 allene		Soe en mocht hijs niet berechten allene		Sone mocht hijs niet berechten allene
13082			Met eenre partie vanden lande		Met eenre partien vanden lande		Met eenre pertien van den lande
13083	IX 1380		Elc787 soude pensen omdie scande		Elc soude pensen om die scande		Elc soude pensen om de scande
13084			Die hem te voren waer ghesciet		Die hem te voren ware ghesciet		De hem te voren waer ghesciet
13085			Dus ne mocht hi langhe niet		Dus ne mochte hi langer niet		Dus ne mochte hi langhe niet
13086			Here bliuen ouer een		Here bliuen ouer een		Here bliuen ouer een
13087			Want stappans ter stede sceen		Want stappans ter stede sceen		Want staphans ter stede sceen
13088	IX 1385		Her ian van rinesse moste varen		Her ian van rinisse moeste varen		HEr ian van renesse moste varen
13089			Sijnre vaerde wt sijnre scaren		Sijnre vaerde wt sijnre scaren		Sijnre verden vut sijnre scaren
13090			Want hi hem niet gheloefde wel		Want hi hem niet gheloefde wel		Want hi hem niet ghelouede wel
13091			Daert hem daer na misfel		Daert hem daer na misfel		Daert hem daer na mesvel
13092	X 1		Als her ghye gheuangen was		Alse482 her ghye gheuanghen was		Als her gye vangen was
13093			Ende men opt lant gheware wart das788		Ende men op tlant ghewaer wart das		Ende men vpt lant ghewaer wert das
13094			Wart there al te barenteert		Wart there al te barenteert		Wort theer alte berteert
13095			Ende elc789 tot sinen lande keert		Ende elc tot sinen lande keert		Ende elc te sinen lande ghekeert
13096	X 5		Ende droeghen met hem dat si mochten		Ende droeghen mit hem dat si mochten		Ende droeghen met hem dat si mochten
13097			Jc wane si niet meer en dochten790		Jc wane si niet meer en dochten		Jc wane si niet meer en sochten
13098			Die poert te soken op enen dach		Die poort te soeken op enen dach		De porte te soekene vp enen dach
13099			Doemen die liede varen sach		Doemen die lude varen sach		Doe men de liede varen sach
13100			Ende te voet gaen mede		Ende te voet gaen mede		Ende te472 voet wech ganghen mede
13101	X 10		Wart men blide binnen der stede		Wart men blide binder stede		Wort men blide binder stede
13102			Doe ghinghen si wt om ghewin		Doen ghinghen si wt om ghewin		Doe ghinghen si vut om ghewin
13103			Ende haelden doe dat goet in		Ende haelden doe dat goet in483		Ende haelden doe dat goet in
13104			Die winnen woude wan aldaer		Die winnen woude wan aldaer		De winnen woude wan aldaer
13105			Dit was in ons heren iaer		Dit was in ons heren iaer		Dit was in ons heren iaer
13106	X 15		M ccc. ende viere		M. ccc. ende viere		Dusent dre hondert ende viere
13107			Dat graue willem in deser maniere		Dat graue willem in deser maniere		Dat graue willam indese maniere
13108			Den wijch op goude met scepen wan		Den wijch op goude mit scepen wan		Den wich op goude met scepen wan
13109			Ende versloech menigen man		Ende versloech menighen man		Daer men versloech menighen man
13110			Oec verloes hire selue liede		Oec verloes hire selue liede		Oec verloes hiere selue liede
13111	X 20		Die selue dach791 doe dit ghesciede		Die selue dach doe dit ghesciede		De selue dach doe dit ghesciede
13112			Wast manendach vor onser vrouwen misse		Waest maendach vor onser vrou misse		Des manendaghes voer onser vrouwenmisse473
13113			Te half oext sijts ghewisse		Te half oest sijts ghewisse		Te halue oest des sijt ghewisse
13114			Ende was sinte laurens dach		Ende was sente laurens dach		Ende was op sente lourens dach
13115			Datmen die vlaminge comen sach		Datmen die vlaminghe comen sach		Dat men de vlaminghe comen sach
13116	X 25		Jeghen den graue daer te stride		Jeghen den graue daer te stride		Jeghen den graue daer ten stride
13117			Ende was omtrent vespertide		Ende was omtrent vespertide		Ende was omtrent vespertide
13118			Doe sides strijts begonnen		Doe si des strijts begonnen		Doe si des strijds begonnen474
13119			Ende waendent al hebben ghewonnen		Ende waendent al hebben ghewonnen		Ende waendent al hebben ghewonnen
13120			Want si vochten met groter cracht		Want si vochten met groter cracht		Want si vochten met groter crachte
13121	X 30		Tot ouer die midder nacht		Tote ouer die midder nacht		Tote ouer die midder nacht
13122			Ende doet ghinc daghen recht		Ende doet ghinc daghen recht		Ende doe et ginc daghen recht
13123			Began weder tgheuecht		Began weder tgheuecht		Begonde weder dat ghevecht
13124			Voer primetijt inder vloet		Voer primetijt in der uloet		Voer primetijt in der vloet
13125			Wast datmen den wijch bestoet		Waest datmen den wijch bestoet		Wast dat men den wijch bestoet
13126	X 35		Ende duuerde tote middaghe		Ende duerde tot middaghe		Ende duerde toten middaghe
13127			Doe gheuel hem sulke plage		Doe gheuel hem sulke plaghe		Doe gheuiel hem sulke plaghe
13128			Dat har ghye bleef gheuaen		Dat her ghye bleef gheuaen		Dat her gye bleef gheuaen
13129			Als ghi te voren hebt verstaen		Als ghi te voren hebt verstaen		Als ghi te voren hebt verstaen
13130			Dit moghen si792 te rechte clagen		Dit484 moghen si te rechte claghen		Die vlaminghe mochten te rechte clagen
13131	X 40		Nu so moghedi mi vraghen		Nv soe mogedi mi vraghen		Nv so moghedi mi vraghen
13132			Waer om dat ic niet en noeme		Waer om dat ic niet en noeme		Waer om dat ic niet en noeme
13133			Die vanden stride was die bloeme		Die vanden stride was die bloeme		Die vanden stride was de bloeme
13134			Of die quaetste of die beste		Of die quaeste of die beste		Of de quaetste of de beste
13135			Of die vortste of die leste		Of die vorste of die leste		Of de eerste of de leste
13136	X 45		Mi dinct ic prise algader		Mi dunct ic prise algader		Mi dunct ic prijsse alle gader
13137			Alhad elc ghesijn mijn vader		Al hadde elc ghesijn mijn vader		Al had elc ghesijn mijn vader
13138			Jn wisten hoe best gheprisen		Jn wist hoe bet gheprisen		Jn wisten hoe bat gheprisen
13139			Ende minen viant in alre wisen		Ende minen viant in alre wisen		Ende mine viande in alre wisen
13140			Ne wistic waer om spreken lachter		Ne wistic waer om spreken lachter		Ne wistic waer omme spreken lachter
13141	X 50		Sonder den genen die snachts trac achter		Sonder den ghenen die tsnachs trac achter		Sonder den ghenen de nachts trac achter
13142			Trouwen daer wasser vele		Trouwen daer wasser vele		Trouwen der wasser vele
13143			Die niet en quamen toten spele		Die niet en quamen toten spele		De niet en quamen totten spele
13144			Dat si stene werpen mochten		Dat si stene worpen mochten		Daer si stene werpen mochten
13145			Jc wane dat si anders dochten		Jc wane dat si anders dochten		Jc wane si anders dochten
vorige 50 regels   | volgende 50 regels | Ga naar regel
		786: berechten boven de regel toegevoegd 787: lezing van de l niet geheel zeker 788: de eind-s bovengeschreven 789: e verbeterd uit iets anders 790: d verbeterd uit een bovenschacht 791: dach boven de regel toegevoegd 792: wi doorgestreept en si erboven geschreven		482: in de marge vóór de lombarde een representant a 483: onder de kolom in de marge de aan de onderzijde grotendeels afgesneden custode Die winnen woude wan al daer 484: in de marge, half bedekt door de lombarde, een representant d		471: lange s verbeterd uit iets anders 472: t verbeterd uit d 473: misse achter de voorafgaande regel, en met dubbele afbrekingsstreep verbonden met vrouwen 474: de eerste e en de g elk verbeterd uit een bovenschacht