toon een folio

Folio 61r uit Handschrift B

9063	VII 35	Die graue sach doe met sinen ogen
9064		Al wast hem leet hi most gedogen
9065		Want si hadden helpen mee
9066		Ende hi was te ziericzee
9067		Hi sense sijn boden wt
9068	VII 40	Jn hollant ende ontboet saluut
9069		Sine mannen ende vrienden
9070		Ende bat hem dat si hem dienden
9071		Jn deser noot hi hads te doene
9072		Doe reede hem menich heelt coene
9073	VII 45	Ende quamen te samen toten graue
9074		Die dat prijsde vor grote haue
9075		Doe dat volc comen was
9076		Doe wart men te rade das
9077		Dat varen soude ghemene
9078	VII 50	Tote arnemuen groot ende clene
9079		Ende datmen sonder ander tale
9080		Volghede hollandre van remmerzwale
9081		Die maerscalc was vanden here
9082		Dat volc voer met groten ghere
9083	VII 55	Ende hadden den wint goet ter cure
9084		Recht optie selue vre
9085		Datmen voer die vere quam
9086		Sach die graue ende vernam
9087		Dat quade wichten liepen daer
9088	VII 60	Ende weueden met swaerden baer
9089		Hi voer an al sonder raet
9090		Daer hi an dede quaet
9091		Want hire scade om ontfinc
9092		Als there sach die dinc
9093	VII 65	Voert al op ende spranc wt
9094		Doe wort daer groot gheluut
9095		Ende alsmen bouen was opt lant
9096		Verkeerdet weder alte hant
9097		Ende quam een donre scure so groot
9098	VII 70	Dattet water vanden hemel vloet

9099		Ofment met backen had gegoten
9100		Tfolc swam met groten roten
9101		Weder te scepe met groter pine
9102		Her ghye quam entie sine
9103	VII 75	Te scepe in die dagheraet
9104		Entie graue had sulken raet
9105		Dat hi voren was gheuaren
9106		Allene buten sinen scaren
9107		Te middelborch in die poort
9108	VII 80	Als sijn broeder dit heuet ghehoort
9109		Dattie graue was gheuaren
9110		Hiet hi doe al sonder sparen
9111		Dat here porren al ghemene
9112		Doe ginc varen groot ende clene
9113	VII 85	Die scepen waren somme groot
9114		Dat was een swaer weder stoet
9115		Want die selue wint die wayde
9116		Was so clene dat hi blaeyde
9117		So luttel dattie grote scepe
9118	VII 90	Metten andren gheselscepe
9119		Niet conden ghecomen vor die arne
9120		Entie vianden volchden gharne
9121		Met haesten an des heren staert
9122		Ende quamen an hem also haert
9123	VII 95	Dat sire versloeghen een groot deel
9124		Die mochte ontgaen hi prijsde sijn heel
9125		Tgsrauen broeder bleef gheuaen
9126		Teerste datment had verstaen
9127		Dat des grauen broeder was
9128	VII 100	Doe wart men te rade das
9129		Dat si doe hem vieren vonden
9130		Some doot van groten wonden
9131		Ende some hadden tlijf doe inne
9132		Dien si deden die omminne
9133	VII 105	Dat sise daden rade braken
9134		Ende metten rade legghen op staken

(klik op het plaatje om het te vergroten)