toon een folio

hier metten doorgestreept d verbeterd uit lange s heel achter de voorafgaande regel onder de kolom in de marge de custode datsi doe

Folio 64v uit Handschrift C

9061		Dat si mosten met hem gaen
9062		Wast lief of leet al wast misdaen
9063	VII 35	Die graue sach doe met sinen oghen
9064		Al wast hem leet hi most ghedoghen
9065		Want si hadden helpen mee
9066		Ende hi was te zericzee
9067		Hi sende si boden wt
9068	VII 40	Jn hollant ende ontboet saluut
9069		Sinen mannen ende vrienden
9070		Ende bat hem dat si hem dienden
9071		Jn deser noet hi hads te doene
9072		Doe reede hem menich heelt coene
9073	VII 45	Ende quamen te samen toten graue
9074		Die dat prijsde vor grote haue
9075		Doe dat volc comen was
9076		Doe wartmen te rade das
9077		Dat varen soude ghemene
9078	VII 50	Tote arnemuden groot ende clene
9079		Ende datmen sonder ander tale
9080		Volghede hollandre van remmerzwale
9081		Die maerscalc was van den here
9082		Dat volk voer met groten ghere
9083	VII 55	Ende hadde den wint goet ter cure
9084		Recht optie selue vre
9085		Datmen voer die vere quam
9086		Sach die graue ende vernam
9087		Dat quade wichten liepen daer
9088	VII 60	Ende weueden met swaerden baer
9089		Hi voer an al sonder raet
9090		Daer hi an dede quaet
9091		Want hire scade om ontfinc
9092		Als there sach die dinc
9093	VII 65	Voert al op ende spranc wt
9094		Doe wart daer groet gheluut

9095		Ende alsmen bouen was opt lant
9096		Verkeerdet tweder al thant
9097		Ende quam een donre scure so groot
9098	VII 70	Dattet water vanden hemel vloet
9099		Ofment met backen had ghegoten
9100		Tfolc swam met groten roten
9101		Weder te scepe met groter pine
9102		Her ghye quam ⁵⁵⁰ ende die zine
9103	VII 75	Te scepe indie dagheraet
9104		Ende die graue had sulken raet
9105		Dat hi voren was gheuaren
9106		Allene buten sinen scaren
9107		Te middelburch indie poert
9108	VII 80	Als sijn broeder dit heeft ghehoert
9109		Dat die graue was gheuaren
9110		Hiet hi doe al sonder sparen
9111		Dat here porren al ghemene
9112		Doe ghinc varen groot ende clene
9113	VII 85	Die scepen waren somme groot
9114		Dat was .i. swaer wederstoet
9115		Want die⁵⁵¹ selue wint die waeyde
9116		Was so clene dat hi blaeyde
9117		So luttel dat die grote scepe
9118	VII 90	Mitten anderen gheselscepe
9119		Niet conde ghecomen voer die aerne
9120		Ende die vianden volgheden gaerne
9121		Met haesten andes heren staert
9122		Ende quamen an hem also haert
9123	VII 95	Dat sire versloghen een groot deel
9124		Die mochte ontgaen hi prijsde sijn heel⁵⁵²
9125		Tsgrauen broeder bleef gheuaen
9126		Teerste datment had verstaen
9127		Dat des grauen broeder was
9128	VII 100	Doe wart men te rade das⁵⁵³

(klik op het plaatje om het te vergroten)