Registers van de Hollandse grafelijkheid 1299-1345

Graaf Willem III komt met heer Zweder heer van Abcoude, ridder, Hendrik van Loenersloot, Splinter van Nijenrode en Ernst van der Horst overeen een dam in de Vecht te leggen, regelt de financiering van aanleg en beheer ervan, en bepaalt het aantal en de wijze van aanstelling van de heemraden die de dam zullen schouwen.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

Wi Willaem^a grave van Heynnegouwen^b etc. maken cond alle luden^c dat wi met heren Zueder^d den here van Abecoude^e onsen trouwen ridder, Heynric van Loenresloet^f, Splinter van Niewen roden^g ende met Arnst van der Horst^h over een ghedraghen sien om oirbaer ons lands ende om oirbaer des ghemeens lands dat gheleghen es op beyden siden van der Vecht enen dam te slaen te midde over die Vecht, in deser manieren dat die dam costen zal vijf dusent pond zaerterⁱ Tornoyse^j, ende die zullen ghelden die damme hoeven alsoe als si gheleghen sien ende si horen hoefslach hebben in die meerdam van Otter sportsluys nederwaert; des zullen ghaen die sluse mede te makene zestien hondert pond, ende wi sulre of hebben voir onse moynesse ^k sestien hondert pond Tornoyse^l, ende die ghene die den dam ende dat dan toe behoirt bedriven zullen toit horen cost zes hondert pond, ende die here van Abecoude^m ende anders dier goed doen of sculdich sien te hebben tuaelf hondertⁿ pond Tornoyse^o. Ende desen dam zalmen scouwen met zeven haemraeds^p, die zullen wesen van onsen weghen viere heemraders, van sheren weghen van Abecoude^q op die west side van der Vecht en^r heemraet, van Heynrix weghen van Loenresloet^s, Ghisebrecht van Ruel^t, Splinter van Nieweroden^u, dat kind van den Poile^v ende anders die ghene die dair gerechte hebben ende hare nacomelinghe eenen heemraed, die here van Abecoude^w, ^x Wouters kindere van Minden, Alfart van der Horst ende hore nacomelinghe eenen heemraet. Ende so wie baliu es van den lande van Aemstel die zal desen dam voirs. scouwen ende bedriven met desen heemraed alse vorscreven^y es, ende die eerste scouwe zal wesen op den eersten meyen dach op ene boete van twintich groete, die ander scouwe in sinte Jans daghe middensomer^z op ene boete^a' van viertich penninghe groete, die ^b' derde op onser Vrouwen dach na den oegste^c' op ene boete van sestich penninghe groete. Voird zal hebben elc heemraed des daghes voir sinen cost als hi es in slands oirbaer drie penninghe groete, ende die baliu voirs. van sinen coste sdaghes zes penninghe groete; ende dat gheld sullen ghelden tland^d' voirscreven hoeve hoeve ghelike, ende elke hoeve voirscreven zal hebben in den dam voirs. horen hoefslach hoeve hoeve ghelike^e'. Ende alsser enich heemraet ghebreket^f', so wien hi ghebreket, ende die den sinen niet en kiesen noch over een en draghen te kiesen binnen drie maenden na dien dat ghebrect^g', so zal onse baliu van Aemstel metten anderen heemraet dien^h' kiesen uten gherechte dair hi in ghebrect. Ende so wat die meerre hoep van den heemraed voirscreven over een draghet over recht om ons lands oirbaer voirscreven, dat zal ghestade wesen; ende alle stucke sonder arghenlist.

In oirkonde etc. Ghegheven in Middelburch^i' des donresdaghes voir Palmensonnendach int jaer ons Heren M CCC ses ende twintich.